trusty and well-beloved, the Bishop of Durham, our Chancellor of England." [Footnote 202: It is thought right to subjoin the following transcript of this epistle in its primitive garb, except the abbreviations. "BY THE KYNG. "Worshipful fader yn God oure right trusty and welbeloved, we grete yow wel. And forasmuche as we lete sende for Maistre Richard Garsedale oon of the contendentes of the prevoste of the Oriell to that ende that for his partie shulde no thyng be poursuyd neither at the courte of Rome ne elleswhere, but that that contraversie shulde be put in respit unto oure comyng hoom with Goddes grace, for oure occupacion is such that we mow nat wel entende to suche also Lentwardyn, come afore you, and that ye take surety matteres here. Wherefore we wol that ye make boothe the said Garsdale whiche cometh now hoom be oure leve, and also Lentwardyn com afore you, and that ye take seurte soufficeant of bothe the partiees, that neither of hem shal make ferther poursuyt of appelle at courte of Rome ner no manere of poursuyt there or elleswhere as touching the said contraversee unto oure comynge as before, at whiche tyme oure entent ys to put the same contraversie to a goode and rightwyse conclusion, and the said partie yn rest. And yf any of hem have ye saide poursuyt of apelle hangyng yn courte that they abate hit and sende to revoke hit yn al haste, and that thay make al suche as been thaire attornes or doeres yn court spirituel or temporel to surcesse. And we wol ferthermore as touching oure said college of the Orielle that ye put hit yn suche governance as semeth to yowre discrecion for to doo unto oure comyng. And God have you yn his keping. Yeven under oure signet in oure town of Mante, ye vii. day of Juyll. "To ye worshipful fader yn God our right trusty and welbeloved ye Bisshop of Duresme oure Chaunceller of England."]