And rade it round about: "O, wha is the lord o' this castel, Or wha is the ladie o't?" But up spak proud Lord Percy then, And O but he spak hie! "It's I am the lord o' this castel, My wife's the ladie gay." "If thou art the lord o' this castel, Sae weel it pleases me! For ere I cross the Border fells, The ane o' us shall dee." He took a lang spear in his hand, Shod with the metal free; And forth to meet the Douglas there, He rade right furiouslie. But O, how pale his ladie look'd Frae aff the castel wall, When down before the Scottish spear She saw proud Percy fa'! "Had we twa been upon the green, And never an eye to see, I wad hae had you, flesh and fell, But your sword shall gae wi' me." "But gae ye up tae Otterbourne, And bide there dayis three; And gin I come not ere they end, A fause knight ca' ye me." "The Otterboume's a bonny burn, 'Tis pleasant there to be; But there is nought at Otterbourne To feed my men and me. {155} "The deer rins wild on hill and dale, The birds fly wild frae tree to tree; But there is neither bread nor kail To fend my men and me. "Yet I will stay at Otterbourne, Where you shall welcome be; And, if you come not at three dayis end, A fause knight I'll ca' thee." "Thither will I come," proud Percy said, "By the micht of Our Ladye!" "There will I bide thee," said the Douglas, "My troth I plight to thee." They lichted high on Otterbourne, Upon the brent sae brown; They lichted high on Otterbourne, And threw their pallions down. And he that had a bonnie boy, Sent out his horse to grass; And he that had not a bonnie boy, His ain servant he was. Then up and spak a little page, Before the peep of dawn: "O waken ye, waken ye, my good lord, For Percy's hard at hand." "Ye lie, ye lie, ye liar loud! Sae loud I hear ye lie; For Percy had not men yestreen To fight my men and me. "But I hae dreamed a dreary dream, Beyond the Isle of Skye: