Anno MDCXII. die XV. mensis Octobris, in horto Sereniss^{mi} ac Potentiss^{mi} Principis ac Domini, Domini CHRISTIANI Quarti, Daniæ, Norwagiæ, etc. Regis & Domini nostri clementissimi, coram nobis, Roberto Anstrutero, Ser^{mi} magnæ Britanniæ pro tempore Legato, Christiano Frisio et Bredone Rantzovio, regni Daniæ Senatoribus, constitutus Alexander Ramse, et ad diversa interrogata, hæc quæ sequuntur, confessus fuit. Se ab Andrea Ramse in Locum tenentem assumptum: dictum verò Andream, se Caroli, Regis Sueciæ, literis, ad summi Ducis officium ascitum esse, affirmasse: Veruntamen nullas hac de re literas vidisse: De stipendio non conventum esse; spem sibi factam, fore, ut tantum stipendii, quantum quilibet alter supremi Ducis Locum tenens in Suecia, acciperet. Correptus; quod S^æ R^æ M^{tis} Magnæ Britanniæ mandatum transgressus esset, contrà intulit se prænominati Andreæ Ramse fidem sequutum: Dixerat enim, jamdicta S^a M^{te} Magnæ Britanniæ sciente et indulgente illa fieri. Societatem constitisse tribus, suâ propriâ, et duabus aliis personis, Georgio Sincklar et Georgio Hey, singulis centum peditum præfectis. Se, Alexandrum, Dondi navim conscendisse: duos verò prædictos Capitaneos Ketnes, insularum, quæ Orcadibus annumerantur, unâ, tribus miliaribus Germanicis Orcadibus distante solvisse. Senatores regni Scotiæ hæc omnia latere, neq^e facultatem unquam petitam; Verùm præfati Andreæ Ramse verbis et promissis nitentes, transfretasse. Sistendi locum fuisse præfixum sub Hetlandia, quò mille militibus, et tribus armorum millibus Munichouen, ut et supremus Dux Hacket, Scotus, mille peditibus instructi, confluerent, numero ad tria millia accrescente. Secundo die Augusti illinc solvisse: Se, Alexandrum Ramse, 400 Sterlingorum libras, in centum milites impendisse. Majores enim sumptus fieri, furtim et clam, quàm publicé, militem conscribendo. Jacobum Nisbet Edinburgensem, periculum, quod navis incurrere posset, in se recepisse. Rusticos Norwagienses iter monstrasse, ubi appulerant in Ramsdal, in Iisfiord. Huic examini interfuere Jacobus Monipenne et Jacobus Scott. In majorem hujusce examinis et confessionis, præfati Alexandri Ramse, fidem, propriarum manuum subscriptione hæc corroborare voluimus. Actum Hafniæ, [=15] die mensis Octobris, Anno &c. 1612. ROBERTUS ANSTRUTHER. CHRISTIANUS FRIIS _manu Ppria_. BRINDE RANTZOVIO _manu hanc_, etc. _Translation of foregoing._ In the year 1612, on the fifteenth day of the month of October, in the garden of the Most Serene and Powerful Prince and Lord, CHRISTIAN the Fourth, King of Denmark, Norway, etc., and our most gracious Liege, was Alexander Ramsay brought into the presence of us, Robert Anstruther, _pro tem_. Ambassador of His Most Serene Majesty of Great Britain, Christian Friis, and Brinde Rantzow, councillors of the realm of Denmark, and in answer to divers questions made the statements which do hereinafter follow:--