'Get out my gate, ye blatherin' skate!' with a jaunty toss of her head. It is pleasant to be appreciated, is it not? No matter by whom. But she had no thought of relenting yet awhile. 'It's like's ye cudna bide awa frae me, ye leein' twa-faced body! It'll be four weeks come Thursday sin' I hae seen a sicht o' ye, an' I hae dune brawly wantin' ye. Gae back to them ye saw last an' bide there. It's no Jean Macaulay 'at's wantin' ye. An' gang out ower the clean kitchen! See til the jaups o' glaar, about yer guttery trotters! Gang out ower, I'm sayin'! or I'se lay the taings about yer cantle.' 'Whisht, woman! an' I'se tell ye a' about it,' said Joseph, sideling nearer. Then throwing the right arm round her waist, he drew up the left to protect his face from nails or accidents, and attempted to steal a salute. Jean screamed and sprang aside, catching hold of a broomstick, and her face aflame with crimson wrath, ordered him out of the kitchen. At that moment an inner door opened and Mrs. Sangster stood on the threshold surveying the scene. 'Jean Macaulay! what is the meaning of this? Do you take my kitchen for a country tavern, to go touzelling with strange men in it in that unseemly way? When I engaged you I said distinctly that no followers were allowed.' 'There's nae touzellin' here, mem; an' what's mair, I winna hae 't said o' me by ony body, sae ye can suit yersel' wi' anither lass 'at taks less tent o' her gude name nor I do! The man's nae follower o' mine; it was yersel' he came speerin' for, sae I cudna tak on mysel' to pet him out, an' syne the impident rascal he grippet me about the waist, an' I skirled, an' ye see the lave o't.' 'It's Joseph Smiley, the minister's man! I declare. What do you want? You may well be ashamed, and hang your head! What will the session say? You, that ought to be an example of sober and godly deportment, to be raising a riot in a gentleman's kitchen!' Joseph was abashed. All his bright schemes seemed to dissipate themselves before his eyes, like a morning mist, and he could only wish himself away. He coughed behind his hand, and stood balancing himself first on one foot, then on the other. 'I'm sair dumfoondered, mem!' he said at last. 'An' I'm thinkin' I juist canna be very weel. My head gaed clean soomin' ey noo, an' I cudna keep my feet, an' sae I out wi' my arm to catch something, an' it was her I grippet, puir lass. An' Jean, it's like she thocht it wasna mo-odest, an' sae she gae the bit skirl. But there was nae wrang intil't ava, mem, as ye may weel ken. Wad it be likely noo, mem, e'en gin I was ane o' the licht mindet kind, as a' the folk in Kilrundle Free Kirk kens weel I'm no', for me to be comin' intil the kitchen o' the first leddy e'y laand, an' carryin' on wi' rigs, an' daffin', an' touzellin's? Weel I wat, mem, ye'll own I hae mair sense nor that.'