_Princeps ille niger (niveis cui vertice pennis Crista minax, victi regis cæsique Bohæmi Exuviis) heros Edoardus magnus in armis, Hic sedem posuit. Sic dicta est principis aula. Hoc authore fuit libertas civibus aucta, Muneribusque ornata suis, res publica crevit. Hinc depicta, vides, passim sua penna per urbem Testatur magni monumentum & pignus amoris._ _Labentes fatis (quid enim perdurat in ævum?) Fortunas urbis tandem miseratus agrorum Extendit fines, Northumbrius ille Johannes. Cumque fuit bello dux invictissimus, armis In mediis coluit pacis, vir providus, artes; Exemploque suum vocat ad pia facta Robertum._ _Non tantum meruit Leofricus Cestrius olim Nec conjux Godiva, pii dux fœmina facti. Godiva ab turpi quæ lege coacta mariti Fertur equo, diffusa comas nudata per urbem. Asseruitque suos, culpent utcunque minores! Vicit amor patriæ libertatisque cupido: Quantum hodie patrem referens Leicestrius heros Retro sublapsam qui nostram restituit rem, Sustinet in pejus ruituram urbisque salutem. I modo quo virtus te fert, sic itur ad astra. Et quibus insistis fœlix, procede paternis Auspiciis, maneatque tuos hæc cura nepotes._ Holbech, May 1712. ITER CIMBRICUM. III. ——_quid virtus & quid sapientia possit Utile proposuit nobis exemplar Ulyssem. Qui domitor Trojæ, multorum providus urbes Et mores hominum inspexit_—— +Hor.+ _To_ RICHARD MYDDLETON MASSEY _of_ Wisbech, _M. D._