Marget’s eyes flashed: "They’ll no’ turn ye oot o’ onything," she cried hotly, "no’ as long as we’re here, Tammas an’ me. Ye’ll jist come ower and bide wi’ us. Here’s your room, Mr. Jack. An’ Tammas an’ me—we love ye as much as we dae oor ain bairn. I ken fine wha it is. Tammas, didna I tell ye? It’s juist that Braxton Bragg! He’s been plotting against ye ever since he was a wee bairn, an’ ye’re no’ the only one that he’s mistreating; an’ it breaks ma heart to think that ony man in this country whaur we and oor lassie hae lived so correctly, should be sae bold as to write this, an’ it’s been wanting to see ye we have, an’ to show it to ye. Ye are a’ we hae to protect her, Jack; we are truthful folks, an’ oor lassie is a sweet and pure lass, that has been a’ her life here in this valley, like as to ony lily in it, an’ we dinna think she should be insulted by the like o’ that." She had taken a note from her bosom and handed it to me. "Haud on a wee, afore ye read it," said Tammas. "Afore ye cam’ hame," he went on, "I didna like his attention to oor lassie, an’ the untoward way he had o’ trying to meet her secretly gin she but gaed oot o’ oor sicht, an’ ye ken Mr. Jack, hoo fond she was since a bairn, to hunt flo’ers an’ birds on the hills aroun’. Sae very frankly I gaed to him, as I thocht it my duty to do, an I tell’t him we had oor ain plans for the lassie, an that he was in anither class frae her, an’ any attention he showed her wad be to the hurt o’ the lassie, an’ it wad be maist unbecoming in him as a gentleman to persist. Eh, but it maddened me to hear him explain and pass it a’ aff as a joke, an’ the flattery o’ him fair scunnert me, it did. But for a’ I said till him he didna stop it, but kept dogging the steps o’ the lassie an’ writing her love notes. Sae I gaed till him again an’ maist pintedly I made him understaun’, that I wad appeal to his grandfaither for protection. I am a man of peace, but this maitter has reached its leemit, an’ noo we’re gaun to turn it ower to you. Marget an’ masel’ hae thocht it a’ oot, because if ever Elsie had a brither it’s oor Jack," he added. "There’s only ae thing mair I’ll be asking ye afore ye act, an’ it’s jist this, that seeing the matter’s sae delicate an’ talking aboot it micht injure oor lassie, I’ll jist ask ye to consult wi’ Colonel Goff in the maitter." "Ay, an’ ae day ye’ll ken the reason," said Marget very quietly, nodding approval to Tammas’s remarks. I never was so angry as when I read the letter. I was fighting mad, no other word will do. "Where is Elsie?" I asked, controlling myself. "I must talk with our little lassie." "Weel, ye see," said Marget, "Jack, I dinna ken. The puir bairn is a’ but crushed—she’s just like a lily that has grown a’ simmer in the valley, an’ opens for the first time ae morning to find there’s such a thing in God’s worl’ as rain an’ hail."