L. DISCOLOR, suffruticosa, erecta, albo-lineata, foliis alternis, petiolatis, oblongis, acutis, integris, planis, superne pallide viridibus, glaberrimis, inferne densissime albo-lanatis. Inflorescentia spicata, ramosa, griseo-lanata, floribus subsessilibus, basi bracteolatis, corollis quinquelobis, lilacinis, extus griseo-barbatis; paracorollis nigrescentibus. Legit anno 1846, Praefectus militaris nobil. T. L. Mitchell in Nova- Hollandia subtropica. Planta elegantissima, inter Scaevolas persimilis habitu SC. REINWARDTII de Vriese in LEHM. PL. PREISS. videtur esse suffruticosa. Caulis est teres. Folia sunt alterna, fere 7 cent. longa et 11/2 cent. lata, petiolata, petiolo ad insertionem quodammodo crassiore, fere 1/2 cent. longo, integerrima, utrinque acuta, nervo medio crassiore, subtus lanata, fere alutacea, albissima; superne viridia, opaca; bracteae lineari- lanceolatae, utraque superficie lanatae, acutae; rhachis elongata, fere 10-15 cent. longa, inferne albo-lanata, sursum griseo-lanata. Pedunculi communes 5-10 cent. longi, patentes, alterni, griseo-tomentosi. Flores alterni, sessiles, bracteolati, bracteolis suboppositis; calyces villosi, limbis obsoletis; corollae persistentis lobis marginibus inflexis, externe medio calycis instar hirsutis, interne glaberrimis: cucullis corollae badiis, convexis, uno latere hiantibus, interiori mediaeque loborum parti affixis; filamenta libera, filiformia, antherae his continuae, glabrae. Stigma capitatum, indusio imberbe.--DE VRIESE.]