"She wud juist hae sent for him an' lookit wi' her een, an' askit him what ill he hed at her, an' gin that wesna eneuch she wud hae pit her handkerchief tae her face." "Of coorse he cudna hae stude that; a' micht hae gien in masel'," admitted Jeems, "but Knox wes stiff." "Maister Carmichael is no a Knox, naither are ye, Jeems, an' it's a mercy for me ye arena. Mary wud hae twistit Maister Carmichael roond her finger, but a 'm judgin' he 'll catch it as it is afore mony days, or ma name 's no Elspeth Macfadyen. Did ye see Miss Carnegie rise an' gae oot afore he feenished?" "Div ye mean that, Elspeth?" and her husband was amazed at such penetration. "Noo a' thocht it hed been the heat; a' never held wi' that stove; it draws up the air. Hoo did ye jalouse yon?" "She wes fidgetin' in her seat when he yokit on Mary, an' the meenut he named her 'our Scottish Jezebel' the Miss rose an' opened the seat door that calm, a' knew she wes in a tantrum, and she gied him a look afore she closed the kirk door that wud hae brocht ony man tae his senses. "Jeems," went on Elspeth with solemnity, "a' coont this a doonricht calamity, for a' wes houpin' he wud hae pleased them the day, an' noo a 'm sair afraid that the minister hes crackit his credit wi' the Lodge." "Div ye think, Elspeth, he saw her gang oot an' suspeckit the cause?" "It's maist michty tae hear ye ask sic a question, Jeems. What gared him mak' a hash o' the baptism prayer, and return thanks that there wes a leevin' father, instead o' mither, and gie oot the 103rd Paraphrase? Tak' ma word for't, he 's wishin' by this time that he 'd lat puir Mary alane." It was just above Hillocks' farm that the General overtook Kate, who was still blazing. "Did you ever hear such vulgar abuse and . . . abominable language from a pulpit? He 's simply a raging fanatic, and not one bit better than his Knox. And I . . . we thought him quite different . . . and a gentleman. I 'll never speak to him again. Scottish Jezebel: I suppose he would call me Jezebel if it occurred to him." "Very likely he would," replied the General, dryly, "and I must say his talk about Queen Mary seemed rather bad taste. But that's not the question, Kate, which is your conduct in leaving a place of worship in such an . . . unladylike fashion." "What?" for this was new talk from her father. "As no Carnegie ought to have done. You have forgotten yourself and your house, and there is just one thing for you to do, and the sooner the better." "Father, I 'll never look at him again . . . and after that evening at Dr. Davidson's, and our talking . . . about Queen Mary, and . . . lots of things." "Whether you meet Mr. Carmichael again or not is your own affair, but this touches us both, and you . . . must write a letter of apology." "And if I don't?" said Kate, defiantly. "Then I shall write one myself for you. A Carnegie must not insult any man, be he one faith or the other, and offer him no amends."