_Knox’s Protest in the affairs of the Earl of Angus._――Vigesimo quarto die mensis Octobris, anno Domini millesimo quingentesimo sexagesimo primo, in presence of me notair, and witnesses vnderwrittin, Comperit Johnne Knox, minister of Edinburgh, and thair being requyrit be George Dowglas, sone naturall to vmquhile Archibald erle of Angus that last deceissit, to deliuer agane to him the letter of renunciatioun maid be the said George of the landis, lordschip, and baronie of Abirnethy, and regalite thairof, with the maner, places, mylnis, multuris, woddis, fischingis, tennentis, tennandriys, service of free tennentis, aduocatiounis, donationis, and rychtis of patronages of the kirkis, benefices, collegis, and prebendarys thairof, &c., in favouris of Archibald, now erle of Angus, of the daitt at Edinburgh, the xxiiij day of Junij the zeir of God I{m} v{c} threscoir ane zeiris; and consignit and putt be him in the handis of the said Johnne, in hoip of aggreance to haif bene dressit betuix him the said erle and his tutouris. Ansuerit, that he granted the resaving of the said lettir, vnder conditioun foirsaid; and that he had bestowit his faithfull laubouris besyde the travellis tane zairin be diuers noble men {310} to haif had that mater aggreit. Be quham thair wes diuers reasonable offeris maid to the said George, quhilkis he hes refusit, and thairfoir protestit gif that his refuis turne heirefter to his awin damnage, that the said Johnne be innocent thairof. Testifiand to the said George, in his awin presence and ouris, and also befoir God, that the offer maid is mair reasonable nor he belevis the said George is able to haif ony proffett or gaynes vtherwyis thairbi. And thairupoun the said Johnne deliuerit to the said George his said lettir of renunciatioun, of the daitt foirsaid, vnder his seill and subscriptioun, quhilk the said George confessit and recognoscit to be the same quhilk he deliuerit, togidder also with his seill in lead, quhilkis the said George resavit and dischargit the said Johnne thairof. Quhairupoun the said Jo{n} askit instrumentis. Done in maister James M‘gillis study, at vj houris at evin, or thairbi. Present thairat the said Maister James, clerk of reḡri; Maister George Hay, vicare of Eddilstoune; Adam Wauchop, and I James Nicolson. J. NICOLSON. Note M, Footnote 75.[352]