At Air, the aucht day of Januar, the zeir of God I{m} vj{c} tuentie fyve zeiris, I, Elizabeth, relict of vmq{le} Mr Johnne Welsche, sumtyme minister at Air, being, at the pleasour of the Lord, now viseit with seiknes and infirmitie of bodye, vncertane of the hore of my daithe, hes thairfoir, for setting in ordour of my wordlie effairis, maid my testament and latterwill, as followis: Be the quhilk I nominat, mak, and constitute Mr James Inglis, minister at Daylie, Mr Josias Welsche, my sone, and Nathaniell Welsche, also my sonne, my onlie executouris; and willis and requestis Mr Jo{nn} Ker, minister at Prestounepannis; Williame Stewart, brother‑german to Josias Stewart of Bonytoune; Alexander Schaw of Keirhill, and Johnne Stewart, lait bailzie of Air, to be ouerismen and ouersearis of the weill of my bairnes; and referris the vpgeving of the inuentar of my guidis, geir, debtis and sowmes of money belanging vnto me to the saidis Mr James Inglis, Mr Josias Welsche, and Nathaniell Welsche, my executouris foirsaidis, quhilk I declair salbe als sufficient as gif I had gevin vp the samyne myself. Item, I leif to the puir and hospitalitie of Air ffourtie pundis money of this realme; and I leiff the haill rest and remanent of my guidis, geir, debtis, sowmes of money, and vtheris quhatsumever belanging vnto me, or quhairvnto I haue richt and title in ony sort, to the said Mr Josias Welsche, Nathaniell Welsche, my sones, and to Luyse Welsche, my dochter, equallie amangis thame thrie, be equall diuisioun. Item, I leif to the said Mr Josias Welsche, twa gold ringis. Item, to the said Nathaniell Welsche, ane gold ring; and I leif ane pair of golden̄ bracelettis and ane chinze of gold, ane taffatie gowne, and dames wyliecoitt, and ane taffatie wyliecoitt, with my sylwir belt; and with sex gold ringis, ane lang stalkit {419} sylwir coup, twa sylwir spwnes, to the said Lwyse Welsche, my dochter. Item, I leif to the said Mr Josias Welsche ane marmet sylwir pott, with the cover yairof and twa sylwir spunes; and I leif to the said Nathaniell Welsche, twa sylwir spunes. In witnes of the quhilk thing, to this my present testament, writtin be George Masoune, notar, I haue subscryvit the samyne with my hand, at Air, the aucht day of Januar, the zeir of God I{m} vj{c} tuentie fyve zeiris; befoir thir witnesses, James Will, merchand burges of Edinburgh, the saidis William Stewart, and Allexander Schaw, with Allane Cathcart, my servitor, and the said George Masoune, writter heerof. Sic subscribitur, Elizabethe Knox. Williame Stewart, witnes; James Will, witnes; George Masoune, notar, witnes.