“A! Jhesu, when thou wille how rightwis is thi mede? That of the wrong has gilt, the endying may thei drede. William Waleis is nomen, that maister was of theues, Tething to the Kyng is comen, that robberie mischeues. Sir Jon of Menetest sewed William so nehi. He tok him whan he wend lest, on nyght his leman bi. That was thorght treson of Jak Schort his man, He was the encheson, that Sir Jon so him nam, Jak brother had he slayn, the Waleis that is said, The more Jak was fayn, to do William that braid. Selcouthly he endis the man that is fals, If he trest on his frendes, thei begile him als. Begiled is William, taken is & bondon, To Inglond with him thei cam, & led him vnto London, The first dome he fanged, for treson was he drawen. For robbrie was he hanged, & for he had men slawen, & for he had brent abbies, & men of religion, Eft fro the galweis quik thei lete him doun, & boweld him alle hote, & brent tham in the fire. His hede than of smote, suilk was William hire; & for he had mayntend the werre at his myght, On lordschip lended thore he had no right, & stroied those he knewe, in fele stede sers His body thai hewe on foure quarters, To hang in foure tounes, to mene of his maners In stede of Gonfaynounes, & of his baners. At London is his heued, his quarters ere leued, in Scotland spred, To wirschip her iles, & lere of his wiles, how wele that he sped. It is not to drede, traytour salle spede, als he is worthi, His lif salle he tyne, & die thorgh pyne, withouten merci. Thus may men here, a ladde for to lere, to biggen in pays; It fallis in his iye, that hewes ouer hie, with the Walays.” Vol. ii. p. 329. 330. “The martyrdom of Wallace,” says the editor of Wyntoun’s Chronicle, “is thus described, in a ballad written about a year after, when the head of Sir Simon Frazer, one of the heroes of Roslin, was set up beside those of Wallace and Lewellyn, the last sovereign of Wales. “To warny alle the gentilmen, that liueth in Scotlonde.} The Waleis wes to drawe seththe he wes anhonge, } to abyde. Al quic biheueded, ys boweles ybrend, } The heued to Londone brugge wes send * * * * * Sire Edward oure Kyng, that ful ys of pietè, } The Waleis quarters sende to is oune contre, } Ant drede.” On four half to honge, huere myrour to be, } Ther-apon to thenche, that manie myhten se, } _MS. Harl. No. 2253, f. 59, b. Trivet._ p. 340. “Thus did Edward glut his vengeance on the dead body of this worthy man, whose living soul all his power never could subdue.