they are continually wandering, unconsciously to themselves, into the elegiac--except when on one subject, whereon the muse of Scotia still warbles at first hand, and from the depths of her heart--namely, alas! the barley bree: and yet never, even on this beloved theme, has she risen again to the height of Burns's bacchanalian songs. But when sober, there is a sadness about the Scottish muse nowadays-- as perhaps there ought to be--and the utterances of hers which ring the truest are laments. We question whether in all Mr. Whitelaw's collection there is a single modern poem (placing Burns as the transition point between the old and new) which rises so high, or pierces so deep, with all its pastoral simplicity, as Smibert's "Widow's Lament." Afore the Lammas tide Had dwin'd the birken tree, In a' our water-side, Nae wife was blest like me: A kind gudeman, and twa Sweet bairns were round me here; But they're a' ta'en awa', Sin' the fa' o' the year. Sair trouble cam' our gate, And made me, when it cam', A bird without a mate, A ewe without a lamb. Our hay was yet to maw, And our corn was yet to shear; When they a' dwined awa', In the fa' o' the year. I daurna look a-field, For aye I trow to see, The form that was a bield To my wee bairns and me. But wind, and weet, and snaw, They never mair can fear, Sin' they a' got the ca', In the fa' o' the year. Aft on the hill at e'ens, I see him 'mang the ferns, The lover o' my teens, The father o' my bairns: For there his plaid I saw, As gloamin' aye drew near-- But my a's now awa', Sin' the fa' o' the year. Our bonnie rigs theirsel', Reca' my waes to mind, Our puir dumb beasties tell O' a' that I ha'e tyned; For whae our wheat will saw, And whae our sheep will shear, Sin' my a' gaed awa', In the fa' o' the year? My heart is growing cauld, And will be caulder still, And sair sair in the fauld, Will be the winter's chill; For peats were yet to ca', Our sheep they were to smear, When my a' dwined awa', In the fa' o' the year. I ettle whiles to spin, But wee wee patterin' feet, Come rinnin' out and in, And then I first maun greet: I ken its fancy a' And faster rows the tear, That my a' dwined awa', In the fa' o' the year. Be kind, O heav'n abune! To ane sae wae and lane, An' tak' her hamewards sune, In pity o' her mane: Lang ere the March winds blaw, May she, far far frae here, Meet them a' that's awa', Sin' the fa' o' the year.