Right High right mighty Prince and excellent lord We recomaunde us unto þe high lordship of your gracious excellence in as humble Wyse as any poure men best can or may ymagine and devise Thakyng your lordly excellence in as lowely maner as office of writing may conteyne for þe high and favorable remembraunce which your gracious Lordship hath to þe Citee of London in signifieng to us be your gracious lettres writen at Maunt the v day of Augst of our most dred and most souveraign erthly lordes prosperous helth and victorious spede and eke of youres. The Which god of His souveraign grace and noble pite With encrees of al honur and Joye ever kepe & mainteigne. Right high right mighty Prince and excellent Lord yef it like your lordly excellence to here of thastat of the Citee of London. Plese it your gracious Lordship to conceyve þat in moor quiet ne pesibler rest blessed be god was never erthly Cite nor toun in absence of her most souveraign & gracious Lord. Right high right mighty Prynce and excellent lord þe Prynce of all hevenly knyght hood have you in his holy kepyng. Writen at þe sayd Citee London under þe seal of Mairalte þerof þe vje day of September. No. 7. Letter from Henry V to the City informing the citizens of his movements in France. Dated Mantes, 12 July [1421]. Letter Book I, fo. 263. Trusty and welbeloved we grete yow wel And for asmuch as we be certein that ye wol be joyful to here good tiding of oure estat and welfare we signiffie unto yow that we be in good heele and prosperite of oure personne and so been oure brother of Gloucestre oure beluncle of Excestre and al the Remenant of lordes and other personnes of oure oost blessed be oure lorde whiche graunte yow soo for to bee witting moreover that in oure comyng by Picardy we hadde disposed us for to have taried sumwhat in the cuntre for to have sette hit with goddes help in better gouvernance and whils we were besy to entende therto come tidinges unto us that he that clepeth hym Daulphin was commen doun with a greet puissance unto Chartres and thoos parties purposinge hym for to leye siege as we were enfourmed unto the saide toun of Chartres. Wherefor we drow us in al haste unto Paris as wel for to sette oure fader of France as the saide good toune of Paris in seure gouvernance and from them unto this oure toun of Mante at whiche jolace we arrived on Wodnesday last to thentente for to have yeven secours with goddes grace unto the saide toun of Chartres and hider comme unto us oure brother of Burgoigne with a faire felaship for to have goon with us to the saide secours the whiche oure brother of Burgoigne we fynde right a trusty lovyng and faithful brother unto us in al thinges. But in oure comyng from Paris unto this oure toun of Mante we were certified uppon the weye by certain lettres that were sent unto us that the saide pretense Daulphin for certein causes that meved hym hath reised the