to provide and ordeyne to þe resistence recountre and rebuke of yor saide enemyes by goddis mercy. So þat it may like yor moste high and noble grace to comaunde them so to doo. And þeruppon to yeove them sufficient auchorite undre yor grete seal. And to open and declare þe premisses unto your saide higenesse more at large. We send towardes þe same at this tyme or broþer Thomas Cook, alderman pleynly instruct of or entent in this behalve. To whom in moste humble wise we besiche yor said highnesse to give full feith & credence in the premisses Moste high moste redoubted sovereyn lorde and most Christian kyng we devoutly besiche þe kyng of all kynges whos reaume shall endelesly last and endure your blessed soule and noble body from either of þeir enemyes evermore to protect kepe and defende þat ye mowe in þis world upon us and alle yor oþer lieges wiþ reporte of worldly joye and victorie long tyme regne & endure to þe singuler conforte of us all. Written at yor saide citee of London þe third daie of Septembre. No. 21. Reply to the above. Dated Northampton, 5 Sept [1457]. _Id. Ibid._ Trusty and welbeloved we grete you oftentymes wele. And lete you wite þat this same daie or welbeloved Thomas Cook oon of your brethren hath in yor behalve presented yor lettres and also declared full notablie yor credence unto us by the which we have understande the fervent desire and true ligeaunce þat ye tendirly and humbly here unto or royal estate, the whiche hath gretely renoveled and recomforted us Whereof aswele as of the notable aide that ye have graunted at this tyme unto us in right notable nombre of men of werre shippes and all other necessaires expedient for theym to þe repressing and rebuke of thoultrageous malice of oure enemyes of Fraunce now travarssing the narwe Se as it is saide we thanke you with as goode wille and hert as we can trusting for undoubted and also praying you þat considering þis Somer season passeth fast ye wille in all possible haste prepare and advaunce yor saide exploit for the whiche we have comaunded Chauncellor of Englond to yeove you auctorite so to doo undre oure grete seal. And have written to or port of Hull and oþere to drawe them and their ships towardes þe Se in their moste defensible and warrely araye and to ioigne and accompaignie theyme with you under the leding and guiding of god and of suche lordes and capitaignes proved in þe werre as we have full hope shall be to the grete renõmee of us and seurtee of you and alle our true subgettes and to thutter confusioun and reproche of or auncien enemy adverse of Fraunce. Yeoven undre oure Signet at our towne of Northampton the v daye of Septembre. No. 22. A letter similar to No. 20 (_supra_) was sent to Bishop Waynfleete the Chancellor, to which was made the following reply. Dated Waltham, 5 Sept. [1457]. Letter Book K, fo. 292b.