A Heraut tramist ses messages, Vaillanz e bien apris e sages; Si li manda qu'il aveit fait, Kar ce li ert dit e retrait Que la corone aveit saisie; Mais ne féist teu félonie, Car tote genz saveit assez Cum li regnes li ert donez. Il meesmes tot premerain Li asséura de sa main. Ne se parjurt ne se desleit; Mais rende-li, si cum il deit, L'onor, le regne e la corone Que dreitore e raison li done; Kar sache bien, si n'en dot mie, Tant cum li seit eu cors la vie, N'aura repos mais ne séjor Ci que saisiz seit del honor. Icist messages li fu faiz E diz e contez e retraiz; Mais mult li respondi petit Fors orguil, contraire e despit; Ainz ceus qui od lui se tenissent E voluntiers li recoillissent, Coveneit doner séurtances E fers ostages e tenances. PAGE 101. _Benoit de Sainte-More's_ account of the council of Norman barons: Cel ovraigne fist à saveir A ses évesques hauz letrez, E à ses chers barons privez, Que li furent ami feeil, E que il sout de haut conseil. Roberz, li quens de Moretoin, Qui unt de malveisté n'out soing, Sis bons frères verais e cerz, E li quens d'Ou, li proz Roberz, Li quens d'Evereus, li sachanz, Richarz li proz e li vaillanz, E de Beaumunt li quens Rogers, Qui mult ert saives chevaliers, E Roger de Mungumeri, N'est dreiz que lui vos en obli, E Guillaume le fiz Osber, Qui puis li out maint grant mester, E Huges, li vesquens, li proz. Icist, si cum je's vos nom toz, Li conseillièrent e loèrent, E tuit enfin s'i accordèrent, Que il féist Heraut requerre De la corone e de la terre, Saveir e aprendre e oïr Cum il s'en voudra contenir; E, son ce qu'il en respondra, Solom ice se contendra; Ses messages tost li tramete E tant dementres s'entremete De faire assembler la navie De par trestote Normendie; Semunge veisins e amis E ceus qui à lui sunt sozmis, Que teus apareiz e si granz Ne fu jostez mais par Normanz, N'ovre el siècle si envaïe Que ci seit lor morz ou lor vie. PAGE 115. _Benoit de Sainte-More's_ account of the apostolic grant to duke William: L'apostoile se fist mult liez Dunt si s'esteit humiliez; Apostolial ottreiance, Son le poeir de sa puissance, L'en comanda e vout e dist E par ses lettres li escrist Que del conquerre ne se feigne; Od tot li tramist une enseigne De saint Père, por demostrer Qu'à ce li volent ajuer. Autorité sera e feiz Que c'est sa corone e sis dreiz Qu'il vout conquerre: si'n auront Tuit cil qui oue lui seront Partot mult maire séurtance Que ne lor vienge meschaance. PAGE 115. The parallel accounts of the comet in _Wace, Benoit,_ and _Gaimar_, are as follow: WACE.