Li rois, ki mult fu travaille, La nuit se est reposé; Par matin se est levé, Sa messe oïr est alé, Assez près à un moster Son chapelain fist chanter. Quant li prestres out sacré E la PATER NOSTER chanté, Este-vus ke vient la crié: "Le dux sur nus vient armé!" Li rois, ki oï la crié, Durement estoit affraé; De la messe tan tost se mist, As armes corut sanz respit. Si le AGNUS DEI eust atendu E la PAIS eust recéu, Par pais eust la terre tenu, U par bataille le dux vencu. Quant il issit del moster, La croiz, ke fu fait de père, Après le rois ad encliné C'onques puis la teste levé. Ki ke volt ceo saver, A Walteham, ultre le halt auter, Meimes eel croiz purra trover E roi Haraud gisant en quer. PAGE 177. As to the English standard see below, additional note to p. 252. PAGE 191. _Benoit's_ account of Taillefer's exploits: Uns Taillefer, ce dit l'escriz, I aveit mult grant pris conquis; Mais il i fu morz e occis. Tant esteit grant sis hardemenz Qu'en mi les presses de lor genz Se colout autresi séur Cume s'il i fust clos de mur; E puis qu'il out plaies mortex, Puis i fu-il si proz e teus Que chevalier de nul parage N'i fist le jor d'eus teu damage. _Gaimar's_ version of the story is as follows: Quant les escheles furent rengées Et de férir appareillées, Mult i out genz d'ambes dous parz; De hardement semblent léoparz. Un des François donc se hasta, Devant les autres chevaucha. Talifer ert cil appellez, Juglère hardi estait assez; Armes avoit et bon cheval, Si ert hardiz et noble vassal. Devant les autres cil se mist, Devant Englois merveilles fist; Sa lance prist par le tuet Si com ceo fust un bastonet, Encontremont halt l'engetta Et par le fer receue l'a. .Iij. fois issi getta sa lance, La quarte foiz puis s'avance, Entre les Englois la launça, Par mi le cors un en navera, Puis trest s'espée, arère vint, Et getta l'espée qu'il tint, Encontremont haut le receit. L'un dit al autre, qi ceo veit, Qe ceo estoit enchantement. Cil se fiert devant la gent Quant .iij. foiz out getté l'espée. Le cheval ad la goule baée, Vers les Englois vint eslessé. Auquanz quident estre mangé Pur le cheval q'issi baout. Li jugléour enprès venout, Del espée fiert un Engleis, Le poign li fet voler maneis; Un autre férit tant cum il pout, Mau guerdon le jour en out; Car li Englois de totes parz Li launcent gavelocs et darz, Si l'occistrent et son destrer: Mar demanda le coup primer. PAGE 210. Greater authority should, perhaps, be assigned to the Bec record, from the fact that the author of part of it was one of the family, namely, Milo Crespin, cantor Becci, probably before 1150.