“Henricus Dei Gratia Rex Angliæ & Franciæ & Dominus Hiberniæ, omnibus ad quos præsentes literæ pervenerint salutem. Cum regii officii nostri munus arbitremur ditionis nostræ hominum fælicitati omni ratione consulere; id autem vel imprimis fore, si improborum conatibus tempestive occuramus, apprime necessarium duximus improborum quoque hominum, qui medicinam magis aviritiæ suæ causa, quam ullius bonæ conscientiæ fiducia, profitebuntur, unde rudi & credulæ plebi plurima incommoda oriantur, audaciam compescere: Itaque partim bene institutarum civitatum in Italia, & aliis multis nationibus, exemplum imitati, partim gravium virorum doctorum Joannis Chambre, Thomæ Linacre, Ferdinandi de Victoria, Medicorum nostrorum, Nicholai Halsewel, Joannis Francisci & Rob Yaxley, medicorum, ac præcipuc reverendissmi in Christo patris, ac domini, dom Thomæ tituli Sanctæ Ceciliæ trans Tiberim sacrosanctæ Romanæ ecclesiæ presbyteri cardinalis, Eboracencis archiepiscopi & regni nostri Angliæ cancellarii clarissimi, precibus inclinati, collegium perpetuum doctorum & gravium virorum, qui medicinam in urbe nostra Londino & suburbis, intraque septem millia passuum ab ea urbe quaqua versus publice exerceant, institui volumus atque imperamus. Quibus tum sui honoris, tum publicæ utilitatis nomine, curæ (ut speramus) erit, malitiosorum quorum meminimus inscientiam temeritatemque, tam suo exemplo gravitateque, suis deterrere, quam per leges nostras nuper editas, ac per constitutiones per idem collegium condendas, punire. Quæ quo facilius rite peragi possint, memoratis doctoribus Joan Chambre, Thomæ Linacre, Ferdinando de Victoria, medicis nostris, Nicholao Halsewel, Joanni Francisco, et Rob Yaxley, medicis, concessimus, quod ipsi, omnesque homines ejusdem facultatis de & in civitate prædicta, sint in re & nomine unum corpus et communitas perpetua sive collogium perpetuum; & quod eadam communitas sive collegium singulis annis in perpetuum eligere possint & facere, de communitate illa aliquem providum virum, & in facultate medicinæ expertum, in præsidentem ejudem collegii sive communitatis, ad supervidend’ recognoscend’ & gabernand’ pro illo anno collegium sive communitatem præd’ & omnes homines ejusdem facultatis & negotia eorundem. Et quod idem præsidens & collegium sive communitas habeant successionem perpetuam & commune sigillum negotiis dict’ communitatis & præsidentis in perpetuum serviturum. Et quod ipsi & successores sui in perpetuum sint personæ habiles & capaces ad perquirendum & possidendum in feodo & perpetuitate terras & tenementa, reditus, & alias possessiones quascunque.”