The following verses are no bad indication of the popular feeling respecting the incidents narrated above, and this is rendered the more characteristic by the national form in which it finds expression:-- THE BARRIN’ O’ OOR DOOR. (_A New Version o’ an Auld Sang_,) _Dedicated without special permission to Sir Robert Christison, Bart., and intended to be sung at the next convivial meeting of the “Infirmary Ring.”_ BY GAMALIEL GOWKGRANDIOSE, M.D. It fell aboot the New-Year time, And a gay time it was then, oh! That the lady students in oor auld toon Had a fecht wi’ us medical men oh! _Chorus_--Aboot the barrin’ o’ oor door weel, weel, weel, The barrin’ o’ oor door weel. When first they cam’ tae learn oor craft We laughed at them in oor sleeve oh! That women could e’er gang on wi’ sic wark, What medical man could believe oh! _Chorus_--For the barrin’, &c. So we pouched a’ the fees they gied tae us For lecture or for Exam. oh! We fleeced them a’ as clean and as bare As was ever a sheep or a lamb oh! _Chorus_--A’ for the barrin’ o’ oor door, &c. But when we found they meant to use The knowledge for which they had paid oh! And on the trade o’ us medical men Micht mak’ a furious raid oh! _Chorus_--We began the barrin’ o’ oor door, &c. Hech, sirs, tae drive thae women awa’ Was a job baith sair and teuch, sirs; It gied Sir Robert and Andrew Wood Vexation and bother eneuch, sirs. _Chorus_--Did the barrin’ o’ oor door, &c. Oor students got up a bonny bit mob To gie the ladies a fright, sirs; Wi’ physical force, Young Physic did wark, Tae get us oot o’ oor plight, sirs. _Chorus_--And help the barrin’ o’ oor door, &c. We frightened the douce Infirmary folks W’ stories o’ classes mixed, sirs; They werena just true--but what o’ that? We a’ hae oor ain trade tricks, sirs. _Chorus_--For the barrin’ o’ oor door, &c. Scandals we spread owre a’ the toon Against the ladies’ guid fame, sirs; We drove them frae the Infirmary gate, Though some citizen fools cried “Shame,” sirs. _Chorus_--For the barrin’ o’ oor door, &c. But they lived a’ scurrilous scandals doon Wi’ true feminine perversity-- They roused the folk owre a’ oor town ’Gainst oor clique in the University. _Chorus_--For the barrin’ o’ oor door, &c. A year gaed by, and then they tried Again tae force their way, sirs, Into the wards we’ve sworn maun be oors Until oor dying day, sirs. _Chorus_--For the barrin’ o’ oor door, &c. Sir Robert bullied and cracked his big whip, And Turner put on the screw, sirs; Yet we a’ got beaten that New-Year’s Day, For the ladies’ friends stood true, sirs. _Chorus_--Oh! the barrin’ o’ oor door, &c.