[16] Cui non rhetorica partitio, non oratoriæ minæ, non grammaticales figuræ congruentem decorem disciplinamque suppeditaverunt. Neque enim illic, ut exacte perorantibus mos est, aut pondera historica aut poetica schemata scintillasve controversialium clausularum libuit aptari. VII. ix. 1-2. The words _disciplina_ and _controversialis_ allude to the schools; _clausula_, to the study of closing cadences. Cf. VIII. iii. 3. [17] Hic iam quam volupe auribus insonare cicadas meridie concrepantes, ranas crepusculo incumbente blaterantes, cygnos atque anseres concubia nocte clangentes, intempesta gallos gallinacios concinentes, oscines corvos voce triplicata puniceam surgentis Auroræ facem consalutantes, diluculo autem Philomelam inter frutices sibilantem, Prognen inter asseres minurientem! Cui concentui licebit adiungas fistulæ septiforis armentalem Camenam, quam sæpe nocturnis carminum certaminibus insomnes nostrorum montium Tityri exercent inter greges tinnibulatos per depasta buceta reboantes. Quæ tamen varia vocum cantuumque modulamina profundius confovendo sopori tuo lenocinabuntur. II. ii. 14. [18] Si quid heroicus arduum comicus lepidum, lyricus cantilenosum orator declamatorium, historicus verum satiricus figuratum, grammaticus regulare panegyrista plausibile, sophista serium epigrammatista lascivum, commentator lucidum iurisconsultus obscurum. IV. i. 2. [19] Obversatur etenim per dies mentibus singulorum quod persona ætate gravis infirmitate fragilis, nobilitate sublimis religione venerabilis, solius dilectionis obtentu abrupisti tot repagula, tot obiectas veniendi difficultates, itinerum videlicet longitudinem brevitatem dierum, nivium copiam penuriam pabulorum, latitudines solitudinum angustias mansionum, viarum voragines aut umore imbrium putres aut frigorum siccitate tribulosas; ad hoc aut aggeres saxis asperos aut fluvios gelu lubricos aut colles ascensu salebrosos aut valles lapsuum assiduitate derasas; per quæ omnia incommoda, quia non privatum commodum requirebas, amorem publicum rettulisti. III. ii. 3. [20] Sentit ut Pythagoras dividit ut Socrates, explicat ut Platon implicat ut Aristoteles, ut Æschines blanditur ut Demosthenes irascitur, vernat ut Hortensius æstuat ut Cethegus, incitat ut Curio moratur ut Fabius, simulat ut Crassus dissimulat ut Cæsar, suadet ut Cato dissuadet ut Appius persuadet ut Tullius. IV. iii. 6. This is immediately followed by another series balancing the Fathers. Similar is the invective in the letter to Thaumastus: iudicanda dictant, dictata convellunt; adtrahunt litigaturos, protrahunt audiendos; trahunt addictos, retrahunt transigentes. V. vii. 2. So 3 and 5 in the same letter, and 14 in the letter to Faustus, IX. ix. [21] Sermonis pompa Romani. IV. xvii. 2. [22] Sermonis Celtici squamam depositura nobilitas nunc oratorio stilo, nunc etiam Camenalibus modis imbuebatur. III. iii. 2. [23] Cui tamen sermonicari Latialiter cordi est. IV. iii. 1.