There has recently been erected on Flodden Field a simple cross of stone as a memorial of that tragic day. It was unveiled on September 27th, 1910, by Sir George Douglas, Bart. The inscription on the stone is “To the Brave of both Nations.” THE FLOWERS OF THE FOREST. A LAMENT FOR FLODDEN. I’ve heard the liltin’ at our ewe-milking, Lasses a’ liltin’ before dawn o’ day; But now they are moaning on ilka green loaning— The Flowers of the Forest are a’ wede away. At bughts,[12] in the mornin’, nae blythe lads are scornin’, Lasses are lonely and dowie and wae; Nae daffin’, nae jabbin’, but sighin’ and sabbin’, Ilk ane lifts her leglin[13] and hies her away. In harst, at the shearing, nae youths now are jeering, Bandsters are lyart,[14] and runkled, and gray; At fair or at preaching, nae wooing, nae fleeching[15] The Flowers of the Forest are a’ wede away. At e’en, in the gloaming, nae younkers are roaming ’Bout stacks, with the lasses at “bogle” to play; But ilk ane sits drearie, lamenting her dearie— The Flowers of the Forest are weded away. Dool and wae for the order sent our lads to the Border! The English for ance by guile wan the day; The Flowers of the Forest, that fought aye the foremost, The prime of our land, are cauld in the clay. We’ll hear nae mair liltin’ at our ewe-milkin’; Women and bairns are heartless and wae; Sighing and moaning on ilka green loaning— The Flowers of the Forest are a’ wede away. [12] Bughts = sheep-pens. [13] Leglin = milk-pail. [14] Lyart = grizzled. [15] Fleeching = coaxing. CHAPTER X. TALES AND LEGENDS.