℞. Elaterii grana duodecim, syrupi quantum satis sit. Dividatur in pilulas sex. Sumatur una bis die. [155]Ægro licet, imo prodest hoc morbo laboranti bibere ad libitum ex liquore aliquo siti extinguendæ accommodato, veluti aquâ hordei cum crystallis tartari. IN ERYSIPELATE. [156]℞. Pulveris corticis Peruviani drachmam unam. Sumatur omni horâ vel interpositis duabus vel tribus horis. IN MORBO VENEREO. 1. IN GONORRHOEA. Hauriatur ad libitum infusum lini, vel decoctum hordei cum gummi arabici drachmis sex in singulis libris. Sumantur calomelanos grana duo quotidie per viginti circiter dies. [157]℞. Aquæ puræ distillatæ uncias octo, hydrargyri muriati granum unum. Misce. Injiciatur pauxillum in urethram bis vel ter die. IN GONORRHOEA BENIGNA. ℞. Balsami capaivæ drachmam unam, tincturæ lavendulæ compositæ guttas triginti. Misce. Sumatur bis die. 2. IN ULCUSCULIS. In initio feliciter adhibetur causticum. ℞. Calomelanos drachmam dimidiam, conservæ rosæ quantum satis sit. Contunde in massam & divide in pilulas triginta. Sumatur una quotidie, vel interdum dimidia ter die, ut cieatur ptyalismus modicus. Perstet æger in usu medicamenti hujus per dies acto postquam sanata fuerint ulcuscula. Pro medicamento topico, utile erit inspergere ulcusculum cum pulvere hydrargyri nitrati. 3. IN BUBONE. Illinatur artus lateris affecti infra inguen cum unguenti ex hydrargyro drachmâ dimidiâ quotidie. Si abierit bubo in ulcus mali moris omittatur pro tempore usus hydrargyri & sumatur quotidie [158]opii purificati granum unum primo semel, dein bis, denique ter die vel etiam sæpius, & pulveris corticis Peruviani drachma una ter quaterve die.--Interdum conducit sumere pulveris sarsæparillæ drachmas duas ter die, vel extracti cicutæ grana tria ter die, augendo paullatim usque ad grana decem. 4. IN VERA LUE, anginâ scilicet osteocopiis, exostosibus & defædatione cutis. Illinantur membra quotidie cum unguenti ex hydrargyro drachmis duabus quotidie usque dum cieatur ptyalismus[159] per dies triginta ad minimum vel donec evanuerint symptomata.--Interdum vice litûs adhibere conveniat vel calomelanos granum unum ter die, vel pilularum ex hydrargyro grana quinque bis die, vel ℞. Hydrargyri muriati grana octo, spiritus vinosi tenuis libram unam. Fiat solutio, & sumatur uncia dimidia bis die. In ulceribus tonsillarum pernotabili est auxilio suffitum ex cinnabare in fauces inhalare semel vel bis quotidie. Si ulcera mali moris exorta fuerint in quavis corporis parte, eadem, ut jam de bubone dictum est, fiant. IN SCORBUTO MARINO. Sumat æger quotidie succi limonum unciam unam ter quaterve die.