[148] Vice olei ricini dare licet olei amygdalæ unciam unam cum tincturæ sennæ unciâ dimidiâ. Vide Pharm. Nosoc. Sti.Thomæ. [149] Hæc formula ex auctoritate Cl. Griffiths. In periculis a me ipso factis felicissimum successum ex hoc medicamento percepi. [150] Hoc medicamentum speciatim his hæmorrhagiis accommodatum quæ ex aliquo viscere læso vi externa exoriantur quales in nave sæpius quam alicubi accidere solent, ex præcipitiis & ex corpore colliso a molimine machinarum & tormentorum.--Prodest quoque in his casibus pulvis ipecacoanhæ compositus. [151] Hæc formula ex Pharmacopœia Nosocomii Sti. Thomæ deprompta est. [152] Hæc est quam proxime formula a Cl. Mead legata Nosocomio Sti. Thomæ ubi olim munere medici functus est, & ibi ex eo tempore usque hodie feliciter in hydrope adhibita est. [153] Cl°. Huck Saunders qui dyspnœâ hydropicâ laboravit ipse, auxilio notabili erat hoc medicamentum. In talibus malis interdum summopere prodest decoctum digitalis purpureæ, ut medicus supra memoratus in suo casu compertus est.--Vid. Medical Transactions, Vol. III. [154] Vide Cl. Pringle in opere suo de morbis castrensibus. [155] Hujus doctrinæ auctor est Hippocrates, quæ restaurata est auctaque a Cl. Milman in opusculo suo de hydrope. [156] Hæc methodus medendi quæ æque efficax ac simplex est, primo excogitata fuit a Cl. Georgio Fordyce medico nosocomii Sti. Thomæ, ubi & ipse felicissimo cum successu eandem expertus sum, in muneribus meis ibi fungendis. [157] Vide opus Cl. Johannis Hunter de morbo venereo. [158] Vires opii in isto morbo primo innotuerunt ex experientiâ Cl. Nooth, dum præfuit nosocomiis militaribus in America, & pro optimo remedio a peritissimis medicis & chirurgis jam habetur. [159] Non hic intelligitur ptyalismum veram esse causam quâ efficitur medela morbi, sed præcipitur ut pro argumento sit hydrargyrum in vasa minima permeasse adeo ut effectum edat in subigendo morbo. Vide Opus Hunteri. [Transcriber's Note: Inconsistent spelling and hyphenation are as in the original.] End of the Project Gutenberg EBook of Observations on the Diseases of Seamen, by Gilbert Blane