“To Charnwood, madam? It’s unco late, and it’s sax miles an’ a bittock doun the water; I doubt if we can find man and horse the night, mair especially as they hae mounted a sentinel before the gate. Puir Cuddie! he’s gane, puir fallow, that wad hae dune aught in the warld I bade him, and ne’er asked a reason--an’ I’ve had nae time to draw up wi’ the new pleugh-lad yet; forby that, they say he’s gaun to be married to Meg Murdieson, illfaur’d cuttie as she is.” “You must find some one to go, Jenny; life and death depend upon it.” “I wad gang mysell, my leddy, for I could creep out at the window o’ the pantry, and speel down by the auld yew-tree weel eneugh--I hae played that trick ere now. But the road’s unco wild, and sae mony red-coats about, forby the whigs, that are no muckle better (the young lads o’ them) if they meet a fraim body their lane in the muirs. I wadna stand for the walk--I can walk ten miles by moonlight weel eneugh.” “Is there no one you can think of, that, for money or favour, would serve me so far?” asked Edith, in great anxiety. “I dinna ken,” said Jenny, after a moment’s consideration, “unless it be Guse Gibbie; and he’ll maybe no ken the way, though it’s no sae difficult to hit, if he keep the horse-road, and mind the turn at the Cappercleugh, and dinna drown himsell in the Whomlekirn-pule, or fa’ ower the scaur at the Deil’s Loaning, or miss ony o’ the kittle steps at the Pass o’ Walkwary, or be carried to the hills by the whigs, or be taen to the tolbooth by the red-coats.” “All ventures must be run,” said Edith, cutting short the list of chances against Goose Gibbie’s safe arrival at the end of his pilgrimage; “all risks must be run, unless you can find a better messenger.--Go, bid the boy get ready, and get him out of the Tower as secretly as you can. If he meets any one, let him say he is carrying a letter to Major Bellenden of Charnwood, but without mentioning any names.” “I understand, madam,” said Jenny Dennison; “I warrant the callant will do weel eneugh, and Tib the hen-wife will tak care o’ the geese for a word o’ my mouth; and I’ll tell Gibbie your leddyship will mak his peace wi’ Lady Margaret, and we’ll gie him a dollar.” “Two, if he does his errand well,” said Edith.