An’ when wi’ Eve he’ll had a crack, He’ll teuk his sneeshin’ horn, An’ on the tap ye’ll well micht mark A pony praw Cairngorm. The sneeshin’ mull is fine, my friens―― The sneeshin’ mull is gran’; We’ll teukta hearty sneesh, my friens, And pass frae han’ to han’. When man first fan the want o’ claes, The wind an’ cauld to fleg. He twisted roon’ about his waist The tartan philabeg. An’ music first on earth was heard In Gaelic accents deep, When Jubal in his oxter squeezed The blether o’ a sheep. The praw bagpipes is gran’, my friens, The praw bagpipes is fine; We’ll teukta nother pibroch yet, For the days o’ auld langsyne! ――――:o:―――― ADDITIONAL VERSES TO “WILLIE BREW’D A PECK O’ MAUT.” Thus Willie, Rab and Allan sang, Thus pass’d the night wi’ mirth and glee, And aye the chorus, a’ night lang, Was, “As we’re now, we hope to be.” And aye they sang, “We are nae fou, But just a drappie in our e’e; The cock may craw, the day may draw, And aye we’ll taste the barley bree.” That time for them the cock did craw, The harbinger of morn to be; That time for them the day did daw’, Wi’ gouden tint o’er tour and tree. And aye they sang, &c. That time for them the moon’s pale horn Did wax and wain o’er land and sea, But now has dawn’d the hapless morn, That gilds the grave o’ a’ the three, Nae mair they sing “We are nae fou, Nae mair the drappie’s in their e’e, Nor cock does craw, nor day does daw’, Nae mair they’ll taste the barley bree.” Thus Learning makes for Willie main, For Robin, Poesy wipes her e’e, And Science wails for Allan gane, Since death’s dark house hauds a’ the three. Then Britons mourn for genius rare, A’ victims o’ the barley bree, And ban the bree that could na spare The youthfu’ lives o’ a’ the three. ――――:o:―――― MY FOE. John Alcohol, my foe, John, When we were first acquaint, I’d siller in my pockets, John, Which noo, ye ken, I want; I spent it all in treating, John, Because I loved you so; But mark ye, how you’ve treated me, John Alcohol, my foe. John Alcohol, my foe, John, We’ve been ower lang together, Sae ye maun tak’ ae road, John And I will tak’ anither; For we maun tumber down, John, If hand in hand we go; And I shall hae the bill to pay, John Alcohol, my foe.