"We'll hae nae quarrelling, Allan," said his shorter companion; "and if the Glasgow gentleman has ony regard for Rob Roy, he'll maybe see him in cauld irons the night, and playing tricks on a tow the morn; for this country has been owre lang plagued wi' him, and his race is near-hand run--And it's time, Allan, we were ganging to our lads." "Hout awa, Inverashalloch," said Galbraith;--"Mind the auld saw, man-- It's a bauld moon, quoth Bennygask--another pint, quoth Lesley;--we'll no start for another chappin." "I hae had chappins eneugh," said Inverashalloch; "I'll drink my quart of usquebaugh or brandy wi' ony honest fellow, but the deil a drap mair when I hae wark to do in the morning. And, in my puir thinking, Garschattachin, ye had better be thinking to bring up your horsemen to the Clachan before day, that we may ay start fair." "What the deevil are ye in sic a hurry for?" said Garschattachin; "meat and mass never hindered wark. An it had been my directing, deil a bit o' me wad hae fashed ye to come down the glens to help us. The garrison and our ain horse could hae taen Rob Roy easily enough. There's the hand," he said, holding up his own, "should lay him on the green, and never ask a Hielandman o' ye a' for his help." "Ye might hae loot us bide still where we were, then," said Inverashalloch. "I didna come sixty miles without being sent for. But an ye'll hae my opinion, I redd ye keep your mouth better steekit, if ye hope to speed. Shored folk live lang, and sae may him ye ken o'. The way to catch a bird is no to fling your bannet at her. And also thae gentlemen hae heard some things they suldna hae heard, an the brandy hadna been ower bauld for your brain, Major Galbraith. Ye needna cock your hat and bully wi' me, man, for I will not bear it." "I hae said it," said Galbraith, with a solemn air of drunken gravity, "that I will quarrel no more this night either with broadcloth or tartan. When I am off duty I'll quarrel with you or ony man in the Hielands or Lowlands, but not on duty--no--no. I wish we heard o' these red-coats. If it had been to do onything against King James, we wad hae seen them lang syne--but when it's to keep the peace o' the country they can lie as lound as their neighbours." As he spoke we heard the measured footsteps of a body of infantry on the march; and an officer, followed by two or three files of soldiers, entered the apartment. He spoke in an English accent, which was very pleasant to my ears, now so long accustomed to the varying brogue of the Highland and Lowland Scotch.--"You are, I suppose, Major Galbraith, of the squadron of Lennox Militia, and these are the two Highland gentlemen with whom I was appointed to meet in this place?" They assented, and invited the officer to take some refreshments, which he declined.--"I have been too late, gentlemen, and am desirous to make up time. I have orders to search for and arrest two persons guilty of treasonable practices."