¶ Þatt {g}odd all{}mahhtiᵹ wurrþenn wass. Gun{g} child i{nn} ure ki{n}de. ⁊ wrecche child. off wrecche kinn{;} ðatt doþ uss tunnderrstanndenn. Þatt uss birrþ mikell lufenn crist. ⁊ lofenn hi{mm} ⁊ wurrþenn. 110 Off þatt he wollde hi{mm} sellfenn swa{;} Forr ure lufe laᵹhenn. ⁊ off þatt he warrþ wrecche mann{;} Forr uss to makenn riche. Wiþþ enn{g}less upp inn heoffness ærd{;} Wiþþ{}utenn ende i blisse. Annd þurrh þ̵ tatt tær awwnedd wass. An here off {g}odess enn{g}less. Þatt time þ̵ te laferrd crist. Wass borenn her to manne{;} 115 Þurrh þ̵ wass uss don þær full wel. To sen. ⁊ tunnderrstanndenn. Þatt enn{g}less stanndenn aᵹᵹ occ aᵹᵹ. To lofenn {g}odd ⁊ wurrþenn. ¶ ⁊ þurrh þ̵ illke wass uss ec. [f. 35v¹ Don full wel tunnderrstanndenn. Þatt uss birrþ lofenn drihhtin aᵹᵹ{;} Wiþþ innwarrd herrtess tunge. ⁊ þannkenn hi{mm} þ̵ miccle {g}od{;} Þatt he doþ uss onn erþe. 120 ¶ ⁊ þurrh þ̵ illke wass uss ec. Don full wel tunnderrstanndenn. Þatt crist all enn{g}le þede ki{n}{g}. Wass borenn her to manne. Alls iff he ᵹæn þe laþe {g}ast. Wiþþ hĕre wollde fihhtenn. To winnenn adam. ⁊ hiss kinn{;} V̋t off þe defless walde. ⁊ settenn enn{g}less oferr he{mm}{;} To ᵹemenn he{mm} ⁊ {g}ætenn. 125 ⁊ forr to shildenn hemm onn{}ᵹæn{;} ðe deofless laþe wiless. [Linenote: 124. _walde_] After _l_, _l_ erased.] ¶ Annd {g}odess enn{g}less wærenn þa{;} Well swiþe glade wurrþenn. Off ðatt tatt {g}odd wass wurrþenn mann. Forr þ̵ teᵹᵹ wisstenn alle. Þatt teᵹᵹre {g}en{g}e shollde ben{;} Wiþþ {g}ode sawless ekedd. ⁊ wurrþedd ec. ⁊ all forrþi{;} Þeᵹᵹ wærenn swiþe bliþe. 130 ⁊ all forr þi þeᵹᵹ sun{g}enn þa. ðiss san{g} wiþþ mikell blisse. Si drihhtin upp inn heffness ærd{;} Wurrþshipe. ⁊ loff. ⁊ wullderr. ⁊ upp{}onn erþe {g}riþþ. ⁊ friþþ{;} Þurrh {g}odess mildherrtnesse. Till iwhillc mann þ̵ habbenn shall{;} {g}od herte ⁊ `aᵹᵹ´ {g}od wille. [Linenote: 134. _aᵹᵹ_ added in margin and _god_ corrected out of _gode_, so too in ll. 147, 154.]