++Þe feont þe fint al uuel bimong alle his crokinde creftes. wið neauer an ne keccheð he creftluker cang men ne leadeð to unbileaue. þen þ̵ he makeð men. þ̵ ahten to witen wel. þ̵ ha beoð bi{}ȝetene. i{}borene ⁊ broht forð þ{urh} þe heoueneliche feder{;} to makien {90} swucche mawmez of treo. oðer of stan. oðer þ{urh} mare medschipe. of gold oðer of seoluer{;} ⁊ ȝeouen ham misliche nome. of sunne oðer of mone. of wind of wude. of wettres. ⁊ hersumið. ⁊ wurgið as þah ha godes weren. ne naueð he þurh oðer þing i þis bileaue ibroht ow bute þ̵ ow þuncheð þ̵ ha schulden leasten aa. forþi þ̵ ȝe ne schulen {95} ham neu{er} biginnen. ah þer nis buten an godd þ{urh} hwam witerliche alle weren i{}wrahte. ⁊ of nawt i þis woorld iset us forto frourin. ant to fremien. ⁊ al{}swa as euch þing hefde biginnunge of his godlec{;} al{}swa schulden alle habben endunge ȝef ha þ̵ [f. 14r] walden. engles ⁊ sawlen þurh þ̵ ha bigunnen ahten ⁊ mahten endin þurh cunde. {100} ah he þurh his milce. ⁊ godlec of his grace makeð ham þ̵ ha beoð in eche buten ende. ⁊ ter uore nis na þing euening. ne eche wið godd þ̵ ȝe gremieð. for he is hare alre schuppent. ⁊ scheop as in su{m} time. ⁊ na time nes neauer þ̵ he ne bigon te beon in. XVIII. THE ORISON OF OUR LADY [[MS description from Notes volume: “Cotton Nero A 14, British Museum. See [IX, Ancrene Wisse].”]] [Headnote: Benedicta Tu in Mulieribus] +On god ureisun of ure lefdi.+ [f. 120v ++Cristes milde moder seynte marie. Mines liues leome mi leoue lefdi. to þe ich buwe ⁊ mine kneon ich beie. and al min heorte blod to ðe ich offrie. þu ert mire soule liht. ⁊ mine heorte blisse. 5 Mi lif ⁊ mi tohope min heale mid iwisse. Jch ouh wurðie ðe mid alle mine mihte and singge þe lofsong bi daie ⁊ bi nihte. vor þu me hauest iholpen aueole kunne wise. and ibrouht of helle in{}to paradise. 10 Jch hit þonkie ðe mi leoue lefdi. and þonkie wulle þe hwule ðet ich liuie. alle cristene men owen don ðe wur`s´chipe. and singen ðe lofsong mid swuðe muchele gledschipe. vor ðu ham hauest alesed of deoflene honde. 15 and i{}send mid blisse to englene londe. | [Linenote: 16. _isend_] _d_ corr. out of _t_.]