+ It was shewed to Denise the tyran, that a couetous man of the cite had hyd a great some of money in the grounde, and lyued moste wretchedly: wherfore he sente for the man, and commaunded him to go dyg vp the money, and so to deliuer it vnto him. The man obeyed, and delyuered vnto the tyran all the golde and treasure that he hadde, saue a small some, that he priuelye kept a syde: where with he wente in to an other cite, and forsoke Syracuse: and there bought a lytell lande, where vpon he lyued. Whan the tyran vnderstode that he hadde so done, he sent for him agayne; and whan he was come, the tyran sayde to him: syth thou haste lerned nowe to vse well thy goodes, and nat to kepe them vnprofytably, I wyll restore them all to the agayne. And so he dyd. + _Of the olde man, that quengered[267] the boy oute of the apletree with stones._ lxxx. + As an olde man walked on a tyme in his orcherd he loked vp, and sawe a boye sytte in a tree, stealynge his apples; whom he entreated with fayre wordes to come downe, and let his apples alone. And whan the olde man sawe, that the boye cared nat for him, by cause of his age, and set noughte by his wordes, he sayde: I haue harde saye, that nat onlye in wordes, but also in herbes, shulde be greatte vertue. Wherfore he plucked vp herbes, and beganne to throwe them at the boye, wherat the boye laughed hartelye, and thought that the olde man hadde ben mad, to thynke to driue him out of the tree with casting of herbes. Than the olde man sayde: well, seynge that nother wordes nor herbes haue no vertue agaynste the stealer of my goodes, I wylle proue what stones wylle do, in whiche, I haue harde men saye, is great vertue; and so he gathered his lappe full of stones, and threwe them at the boye, and compelled hym to come downe, and renne awaye. This tale sheweth, that they, that bene wyse, proue many wayes, before they arme them. FOOTNOTES: [267] Conjured. + _Of the ryche man that wolde not haue a glyster._ lxxxi. + There was a certayn riche man on a tyme, whiche felle sycke, to the whose curynge came many phisitians (for flyes by heapes flee to honye). Amonge them all there was one that sayde, that he muste nedes take a glyster, if he wolde be holle. Whan the sicke man, that was nat envred with that medicine, harde hym saye so, he sayde in a great furye: out a dores with those phisitians! they be madde: for, where as my payne is in my heed, they wolde heale me in myne * * * *. This fable sheweth that holsom thynges to them, that lacke knowlege and experyence, seme hurtfull. + _Of hym that feyned hym selfe deed to proue what his wyfe wolde do._ lxxxii.