[297] Quidam corporalia ejus Miracula stupentes, majora intueri non norunt. Quidam vero ea, quæ gesta audiunt in Corporibus nunc amplius in Animis admirantur.----Dominus enim noster Jesus Christus ea quæ faciebat corporaliter, etiam spiritaliter volebat intelligi; neque enim Miracula propter Miracula faciebat, sed ut illa quæ faciebat, mira essent Videntibus, vera essent Intelligentibus.----Alii & facta mirati & intellecta assecuti. Tales nos esse debemus in Schola Christi.----Hoc dixi (de ficu arefacta) ut persuaderem Dominum Jesum Christum ideo Miracula fecisse, ut aliquid illis Miraculis significaret; ut excepto eo, quod mira & magna & divina erant, aliquid inde etiam disceremus. Videamus ergo quid nos discere voluit in tribus mortuis, quos suscitavit. _In Serm._ xcviii. [298] Ista tria Genera Mortuorum, sunt tria Genera Peccatorum, quos hodie suscitat Christus.----Sunt ergo instar filiæ Synagogæ Principis, qui peccatum intus in Corde babent, in facto nondum habent. Condemnatur Consensus ad Iniquitatem; respiratur ad Salutem atq; Justitiam. Surgit mortuus in Domo, reviviscit Cor in Cogitationis Secreto. Facta est ista Resurrectio Animæ mortuæ intus intra Latebras Conscientiæ, tanquam intra Domesticos Parietes.----Alii post Consensum eunt in factum, tanquam efferentes mortuum, ut quod latebat in Secreto, appareat in publico. Nonne illi juveni dictam est, _Tibi dico, surge_ & redditus est Matri; sic qui jam fecerit, si forte admonitus & commotus Verbo Veritatis ad Christi Vocem resurgit, vivus redditur Ecclesiæ.----Qui autem faciendo quod malum est, etiam mala Consuetudine se implicant, tales Consuetudine maligna pressi, tanquam sepulti, ita sepulti ut de Lazaro dictum est, jam _putet_. In Serm. xcviii. [299] _Cum ejecta esset Turba, intravit._ Moraliter non resurgit Anima, quæ intrinsecus jacet mortua, nisi prius a secretioribus Cordis excludatur inopportuna sæcularium Cogitationum Multitudo. _In Loc. Matt._ [300] Mali isti Portitores, qui ad sepeliendum hominem ferunt, sunt Vitia & maligni spiritas, Hæretici & seductores. Hos enim nisi Dominus sisteret, quoscunq; semel acciperent, sepulturæ & æternæ Damnationi traderent. Suscitatus igitur Adolescens sedet, loquitur & Matri redditur, quia ad Penitentiam conversus in Ecclesiæ pace quiescit, Dei Magnalia loquitur, sua peccata confitetur; & Ecclesiæ reconciliatur. _Euseb. Gallic. in Homil. Feriæ quinta post Domin. 4tam._ [301] _Et lacrymatus est Jesus._ Lacrymemur igitur & nos pro omnibus illis, quos in Fætore Vitiorum jacere sentimus. _Euseb. Gallic. in Homil. Feriæ 5ta post Domin. 4tam._ [302] Lapis autem revolutus a Monumento significat Infidelitatis Duritiam ab Hominum Corde submotam. _Theop. Antioch. in Loc. Johan._ [303] Quod enim tunc temporis factum est in una Puella, hoc in sine Temporum futurum est, ut fiat in tota Sonagoga. _In Homil. Feriæ 5ta post Domin. 4tam._ [304] Synagoga circa finem sæculi erit restituta saluti. _In Loc. Matt._