[320] Quod autem a Joseph, rogato Pilato ut Corpus redderet, & sindone involvitur, & in Monumento novo in Petra excisa reponitur, & Saxum Ostio Monumenti advolvitur: Quanquam sit Ordo Gestorum, & sepeliri eum erat necesse, qui resurrecturus erat a mortuis, tamen non sine Rerum aliquarum Momento expressa sunt singula. Joseph Apostolorum habet speciem: & idcirco quanquam in duodecem numero Apostolorum non fuerit, Discipulus Domini nuncupatur. Hic munda sindone corpus involvit; & quidem in hoc eodem linteo reperimus de coelo ad Petrum universorum Animantium genera summissa. Ex quo forte non superflue intelligitur sub lintei hujus nomine consepeliri Christo Ecclesiam: quia tum in eo, ut in Confusione Ecclesiæ mundorum atque immundorum Animalium fuerit congesta diversitas. Domini igitur Corpus tanquam per Apostolorum doctrinam in vacuam & novam requiem Lapidis excisi, _viz._ in pectus duritiæ Gentilis quodam doctrinæ opere excisum Christus infertur, rude scilicet & novum, & nullo antea ingressu timoris Dei pervium. Et quia nihil præter cum oporteat in pectora nostra penetrare, Lapis Ostio advolvitur: ut quia nullus antea in nos divinæ Cognitionis Auctor fuerat illatus, nullus absque eo postea inferatur. Metus deinde furandi Corporis, & Sepulchri Custodia atque Obsignatio, Stultitiæ atque Infidelitatis Testimonium est; quod signare Sepulchrum ejus voluerint, cujus præcepto conspexissent de Sepulchro mortuum suscitatum. _In Loc. Matt._ [321] Ad hoc enim Dominus hodie resurrexit, ut Imaginem nobis futuræ Resurrectionis ostenderet. _In Serm._ clxviii. _Append._ [322] Quid singula significent, quærere sanctæ quidem Deliciæ sunt. _In Johan. Evang. C._ xx. _Tract._ 120. [323] Monumentum Christi est divina Scriptura, in qua Divinitatis & Humanitatis ejus mysteria densitate Litteræ veluti quadam muniuntur Petra. _In Diversos Homil._ 2. [324] Ne putes, tunc solummodo traditus est Christus Principibus Sacerdotibus & Scribis.----Quando enim vides Scripturas Prophetarum & Evangelii & Apostolorum traditas esse in Manus falsorum Sacerdotum & Scribarum; num intelliges quia Verbum Veritatis traditum est Principibus iniquis & Scribis? _In Mat. C._ xx. [325] Interpretario autem Nominis Barabbæ est Patris Filius: Jam itaque Arcanum Infidelitatis futuræ ostenditur, Christo Patris Filium præferendo, Antichristum scilicet hominem Peccari & Diaboli filium, potiusque adhortantibus principibus suis eligunt, Damnationi reservatum, quam Salutis Authorem. _In Loc. Matt._ [326] Velum Templi scissum est, & omnia Legis Sacramenta, quæ prius tegebantur, prodita sunt atque ad Gentium Populum transierunt. _In Loc. Matt._ [327] Petræ scissæ, id est, universa Vaticinia Prophetarum. _In Epist. ad Hedibriam._ [328] Sed mihi videtur Terræ Motus & reliqua typum ferre credentium, quod pristinis Errorum vitiis derelictis, & Cordis emollita duritia, postea agnoverint Creatorem. _In Loc. Matt._