Sutura autem neque summae cutis neque interioris membranae per se satis proficit; sed utriusque: et quidem duobus linis iniicienda est, spissior quam alibi; quia et rumpi facilius motu ventris potest, et non aeque magnis inflammationibus pars ea exposita est. Igitur in duas acus fila coniicienda, eaeque duabus manibus tenendae; et prius interiori membranae sutura, iniicienda est sic ut sinistra manus in dexteriore ora, dextra in sinisteriore a principio vulneris orsa, ab interiore parte in exteriorem acum immittat: quo fit ut ab intestinis ea pars semper acuum sit quae retusa est. Semel utraque parte traiecta, permutandae acus inter manus sunt, ut ea sit in dextra quae fuit in sinistra, ea veniat in sinistram quam dextra continuit: iterumque eodem modo per oras immittendae sunt: atque ita tertio et quarto, deincepsque permutatis inter manus acubus plaga includenda. Post haec, eadem fila eaedemque acus ad cutem transferendae similique ratione ei quoque parti sutura iniicienda; semper ab interiore parte acubus venientibus, semper inter manus traiectis: dein glutinantia iniicienda (VII. xvi). In the next case, where Celsus describes the treatment of staphyloma of the cornea, a very small needle must have been used: Haec fere circa oculum in angulis palpebrisque incidere consuerunt. In ipso autem oculo nonnunquam summa attolitur tunica, sive ruptis intus membranis aliquibus sive laxatis; et similis figura acino fit: unde id σταφύλωμα Graeci vocant. Curatio duplex est: altera, ad ipsas radices per mediam transsuere acu duo lina ducente; deinde alterius lini duo capita ex superiore parte, alterius ex inferiore adstringere inter se; quae paulatim secando id excidunt: altera in summa parte eius ad lenticulae magnitudinem excidere (VII. vii).