To all trew crysten people to whom thes present lettris shall come. ROBERD HALIDAI[69] mastur of barbours and of surgeon barbours of london, and Willm̄ Okeley, John Knote[70] and Thomas Dawes[71] wardens of the same gretyng, knowe ye that wher as the moste excellent Pryns in cryst and soũeyn lord Edward by the grace of god kyng of ynglõd and of ffraunce, lord of Ierlond, for many pˀfounde cos̃ideracyons his gc̃e movyng, hathe grauntyd the well to hym ĩ cryst, the approuyd fremen the coiãlte of barbours and of surgeon barbours of the cyte of londõ, The serche and oũsyght correcyon and ponyshement, examinacon & approbacion of all fremen usyng or hauntyng the conyng of surgery and barbory, And of all maner of men foreyns usyng or hauntyng any pˀticuler pˀte of surgery withyn the seyde cyte or subbers ther of, As a bowte new woundys, olde soris, and other lesyons what so eũ they be, Also in drawyng of teeth ventosyng scarificacons and suche othˀ manwall operac̃ons, lyke as the lettres patentes of owre seyde lege lord the kyng ther upon made planyly may apere. We therfore the saide Roberde, Willm̄, John̄ & Thom̄s at this tyme masturs and wardens of the saide felishyp, ffor the comyn pˀfyte weth[72] and relefe socour of owr lordis the kyngꝭ lege people, entẽdyng to pˀuyde men of good capasite and abill ĩ maners and conyng, sufficiently lerned, enfourmed, and labored by long experyens, and other in the seide craft of surgery,--haue prayed and requyred mastur John̄ Smyth doctour ĩ phesik, Instructour & examener of the seide feliship, and be[73] the same for that intent chosen and elect to entur & examynacyon for the cawses a boue saide, w{t} divers pˀsons whiche long tyme, w{t}owte auctorite, haue vsed and haunted w{t} experyens the conyng of surgery, wheruppon aftur dewe and dyuers monycions made in this be halue, ROBERD ANSON on of the seide coĩalte at the comyn hall of the same ĩ london appered, ĩ his pˀpyr pˀson, the first day of August last past, submyttyng hym selfe to the examync̃on and thaposicion,[74] wher and when the seide Roberd by the sayde John̄ Smyth, in a gret audiens of many ryght well expert men ĩ surgery & other, was op̃yly examyned ĩ dyuers thingꝭ cõcernyng the practise opˀatife and directif in the seyde crafte of Surgery. And the{r} albe it he hathe a fore this many tymys been well approuyd, ʒet now he is newly habelyd, be[75] the seyde doctour and felyship, and founde abyll and discrete to ocopy & vse the practise of surgery, as well a bowte new woundis, as cansers, fystelis, vlceracions & many other disessis & dyuers; & the same Robert thus aprouyd and abelyd we haue, as an expert man ĩ the seyd faculte, aprouyed and abeled to ocupy & practyse in the seyd faculte, ĩ eũy place, when and as ofte as hym best lyketh we haue lycensid hym and graũtid to hym by thes pˀsentes. ĩ witnes wherof we haue putte the