Jack’s fame had now spread through the whole country, and at the King’s desire the duke gave him his daughter in marriage, to the joy of all his kingdom. After this the King gave him a large estate, on which he and his lady lived the rest of their days in joy and contentment.(1) (1) Old Chapbook. THE BLACK BULL OF NORROWAY And many a hunting song they sung, And song of game and glee; Then tuned to plaintive strains their tongue, “Of Scotland’s luve and lee.” To wilder measures next they turn “The Black, Black Bull of Norroway!” Sudden the tapers cease to burn, The minstrels cease to play. “The Cout of Keeldar,” by J. Leyden. In Norroway, langsyne, there lived a certain lady, and she had three dochters. The auldest o’ them said to her mither: “Mither, bake me a bannock, and roast me a collop, for I’m gaun awa’ to seek my fortune.” Her mither did sae; and the dochter gaed awa’ to an auld witch washerwife and telled her purpose. The auld wife bade her stay that day, and gang and look out o’ her back door, and see what she could see. She saw nocht the first day. The second day she did the same, and saw nocht. On the third day she looked again, and saw a coach-and-six coming along the road. She ran in and telled the auld wife what she saw. “Aweel,” quo’ the auld wife, “yon’s for you.” Sae they took her into the coach, and galloped aff. The second dochter next says to her mither: “Mither, bake me a bannock, and roast me a collop, fur I’m gaun awa’ to seek my fortune.” Her mither did sae; and awa’ she gaed to the auld wife, as her sister had dune. On the third day she looked out o’ the back door, and saw a coach-and-four coming along the road. “Aweel,” quo’ the auld wife, “yon’s for you.” Sae they took her in, and aff they set. The third dochter says to her mither: “Mither, bake me a bannock, and roast me a collop, for I’m gaun awa’ to seek my fortune.” Her mither did sae; and awa’ she gaed to the auld witch-wife. She bade her look out o’ her back door, and see what she could see. She did sae; and when she came back said she saw nocht. The second day she did the same, and saw nocht. The third day she looked again, and on coming back said to the auld wife she saw nocht but a muckle Black Bull coming roaring alang the road. “Aweel,” quo’ the auld wife, “yon’s for you.” On hearing this she was next to distracted wi’ grief and terror; but she was lifted up and set on his back, and awa’ they went.