Hyt ys to remembre thys caase of rebellyon of Parys felle in abcence of Herry .v^{te}. kyng beyng in England wyth hys queene. And bethoute noote of vaynglory, yff I do wryte of myne autor[158] I fynde by hys bokes of hys purveours how yn every castelle, forteresse, and cyte or towne he wolde hafe grete providence of vitaille of cornys, of larde, and beoffes, of stokphyshe and saltfyshe owt of England commyng by shyppes. And that policie was one of the grete causes that the regent of Fraunce and the lordes of the kyng ys grete councelle lefft hym to hafe so many castells to kepe that he ledd yerly .iij^c. sperys and the bowes. And also yn semblable wyse purveyed yeerly for lyverey whyte and rede for hubes for hys soudeours, and for armurs wepyns redye to a naked man that was hable to do the kyng and the sayd regent service. And yt fille yn the .viij^{te}. yere of Herry the .v^{the}., named kyng, when he was capteyn of the Bastyle of Seynt Antonye of Parys, and Thomas Beauford, dux of Excestyr, {69} beyng then capteyn of the cytee, hyt fortuned that for the arrestyng of the lord Lyseladam, who[159] was yn so grete favour of the cyte that alle the comyns of the seyd cyte [stode] sodanly to harneys and rebelled ayenst the duc of Exetyr and ayenst hys armee and felyshyppe; so the duc for more suerte wyth hys felyshype were coherced to take the Bastyle for her deffence. And at hys commyng the chieff questyon he demaunded of the seyd Fastolf how welle he was stored of greynes, of whete, of benys, pesyn, and aveyn for horsmete, and of othyr vitaille; he seyd for half yere and more suffisaunt. And hyt comforted gretly the prince. Then the duc made redy the ordenaunce wyth shot of grete gonnys amongys the rebells and shot of arowes myghtelye, that they kept her loggeyns. And the Frenshe kyng and the quene beyng yn the cytee, helde ayenst the rebellys, so yn short tyme the burgeyses wer constreyned to submytt them and put hem yn the duc ys grace. [Sidenote: De magnificencia felicitatis cultoribus terrarum adhibenda, specialiter Cyro regi.] Caton magnifiethe that prince that cherisshith and favourithe erthe tiliers. [Sidenote: Socrates.] [Sidenote: De quodam Lysander ph'o.] [Sidenote: De Ciro rege Persarum.] [Sidenote: Tullius.]