king Johan of Fraunce was {49} graunted that the saide king Johan shulde be seased and possessid ayen of a part of the said roiaume and duchie for certeyne countees, baronnyes, and seignories that we shulde in chief halde in Guien and other contrees, whiche is more amplie declared in the saide finalle trety of pease made at Bretygny; yet for alle the othes, sacrementis, seles of bothe kingis and here lordis made, the said trety of pease was sone broken by the adverse partie when they couth take theire avauntage, about the yere of Crist M^l.ccc.lxxj. [Sidenote: Exclamacio alia.] [Sidenote: De amicicia per maritagia et alias alligancias fienda.] [Sidenote: Nota bene.] [Sidenote: Nota et concidera ad honorandum extraneos.] He allas! we dolorous parsones suffring intollerabille persecucions and miserie, aswelle in honoure lost as in oure[144] lyvelode there unrecompensid, as in oure meveable goodes bereved, what shalle we doo or say? Shalle we in this doloure, anguisshe, and hevynesse contynew long thus? Nay, nay, God defende that suche intrusions, grete wrongis, and tiranye shuld be left unpunisshed, and so gret a losse unpunysshed and not repared! For one good moyen, undre correccion, may be this, and if youre lordis wolde enforce hem to renew theire olde allie[gh] of straunge regions and countrees, as the Romayns did whan they werrid in Auffrik ayenst the Cartages, and of late daies king Edwarde the thrid gafe example and sithe king Harry the .v^{te}. in oure daies, and also his noble brothir Johan duke of Bedford after hym; whiche allies be almost werid out and foryete to oure grete desolacion, whiche and they were renewed by meane of mariages of gret birthe, by cherisshing of lordis, nobles, and marchauntes of the regions that we have been allied unto, or desire to be gyvyng renomme and honoure in armes to the princes that we desire alliaunce, or[145] sending at suche tymes as the cas shalle require to the princes ambassiatours that be halden worshipfulle men of astate and degree that have sene worship in divers contreis, whiche prudently can purpose and declare the urgent cause and necessite of this royaume, it wolde be to think verralie than that tho yowre[146] people true subgettis of Fraunce were mynusshed or abated as it is, but oure saide allies wolde enforce hem withe alle hir power and might to the {50} reformacion of the saide intrusions, and under colour of trewes wrought ayenst us. In example of this matier, it bathe bene specified herebefore, and how it hathe be rad among the Romayne stories that, whan Haniballe, prince of Cartage, had so gret a descomfiture ayenst Camos, governour of the Romayne ooste, that the men of Cartage gaderid of the fingers of the ded Romayns three muys fulle of golde ringis. So it shewed that the power of Rome was gretly mynusshed and febled. Than, whan this tidingis come to Cartage, one Hamon, a wise man, a senatoure, demaunded if it so were that for alle so gret a discomfiture is