not what werre meoved; and wolde not suffre that the Falistes be defrauded of here contre and cite by unjust menes of treason or fals covyn or undew alliaunce, but as naturalle werre wol fortune by manhod and just dede of armes to take the cite. And there the saide prince comaunded the scolemaister for his gret deceite to be dispoilid and to be betyn nakid withe baleese and sharpe roddis withe his owne clerkis into the cite ayen; than the governours and maistres of the cite, havyng consideracion of the gret justice and manhod that he used in his conquest, sent to Camillus ambassatours withe the keies of the cite, and purposid unto him, saieng, O ye fathir and prince of justice, wher as the welle honoure and renommee of justice and of victorioux dedis reignithe among you Romaynes by using of justice, and that for asmoche they perceyved that princes Romayns used feithe and justice, and peyned theym to kepe theire peple conquerid hem to be subgettis to Rome by justice, they were fulle joifulle and glad to lyve undre theire lawes, and so delivered hym the [keys and the[150]] citee, to the gret renomme of the saide prince and to alle the Romayns gretly to be magnified. Historie of dame Cristyn, declaring how a prince and a ledar of peple shulde use prudence and justice by example of the noble cenatoure called Fabricius. [Sidenote: Res publica.] And also as dame Cristyn[151] in the .xv. chapitre of the first partie of hir seid booke of Tree of Batailes leiethe a noble example that {55} among alle vertues that shulde long to a prince, a duke, a cheveteyne, or to a governoure of a contre, citee, or towne, or a leder of peple, rehersithe how it is necessarie that he shulde be a prudent man and a wise and of gret trouthe, as by example it is write of the noble and trew senatoure Fabricius, leder of the Roman oostis, the whiche for his gret trouthe, vailliaunce, and manhod, and wise governaunce, king Pirrus his adversarie offred to gyve hym the .iiij^{the}. part of his roiaume and of his tresoure and goodis, so that the saide Fabricius wolde yelden and turne to his partie and become his felow in armes. To whiche Pirrus the said Fabrisius answerd, that a trew man might not to over moche hate and dispreise tresoure and richesse by treason and falshed evylle getyn, where as by possibilite and alle liklinesse may be honourable and truly vanquisshid and wonne bye armes, and not in noo maner wise by untrouthe and falshed. In whiche matier verifieng, saiethe Vigecius in his booke of Chevalrie, to a chiefteyne, to whome is commytted so gret a thing as is deliverid hym the charge and governaunce of noblesse of chevalrie, the dedis and entreprises of a prince is office is principally comytted hym for the governaunce of comon publique of a roiaume, dukedom, erledom, barnage, or seignourie, castelle, forteresse, citee, and towne, that is clepid vulgarlie the comon profite, the suerte and saufegarde of alle the saide contreis. And if by