¶ A medicyne to salue poore mennes shepe, that thynke terre to costely: but I doubte not, but and ryche men [Sidenote: [Fol. 30.]] knowe it, they wolde vse the same. Take a shete ful of [Sidenote: Chop broom small, and boil it;] brome, croppes, leaues, blossomes, and all, and chop 4 them very smal, and than sethe them in a pan of .xx. gallons with rennynge water, tyll it begyn to waxe thycke like a gelly, than take two pounde of shepe suet molten, [Sidenote: add suet and brine;] and a pottell of olde pysse, and as moche bryne made 8 with salte, and put all in-to the sayde panne, and styrre it aboute, and than streyne it thorowe an olde clothe, and putte it in-to what vessell ye wyll, and yf your shepe be [Sidenote: use it warm with a sponge.] newe clypped, make it luke-warme, and than washe your 12 shepe there-with, with a sponge or a pece of an olde mantell, or of faldynge, or suche a softe cloth or woll, [Sidenote: It can be used at any time.] for spendynge to moche of your salue. And at all tymes of the yere after, ye may relent it, and nede require: and 16 make wyde sheydes in the woll of the shepe, and anoynt them with it, & it shal heale the scabbe, and kyll the shepe-lyce, and it shall not hurte the woll in the sale therof. And those that be washen wyll not take scabbe 20 after (if they haue sufficient meate); for that is the beste grease that is to a shepe, to grease hym in the mouthe with good meate; the whiche is also a greate saueguarde [Sidenote: Good meat in the mouth] to the shepe for rottynge, excepte there come myldewes, 24 [Sidenote: [Fol. 30_b_.]] [Sidenote: is the best grease for sheep.] for he wyl chose the beste, if he haue plentye. And he that hath but a fewe shepe moderate this medicyne accordynge. 45. ¶ If a shepe haue mathes. [Sidenote: Maggots in sheep.] If a shepe haue mathes, ye shall perceyue it by her bytynge, or fyskynge, or shakyng of her tayle, and mooste commonlye it is moyst and wete: and if it be nyghe vnto the tayle, it is ofte tymes grene, and fyled with his 4 [Sidenote: How cured.] dounge: and than the shepeherde muste take a payre of sheres, and clyppe awaye the woll bare to the skynne, and take a handfull of drye moldes, and cast the moldes thervpon to drye vp the wete, and then wype the muldes 8 away, and lay terre there as the mathes were, and a lyttell farther. And thus loke theym euery daye, and mende theym, if they haue nede. 46. ¶ Blyndenes of shepe, and other dyseases, and remedies therfore.