Ytieu vengance ad dieu confit, Com_m_e David l’ot p_ro_phetizé, As riches, mais au gent petit, Solonc que Salomon escrit, Plus asprement serra vengé. La halte poesté divine L’Orguil des gens ove leur racine Sanz reverdir ensechera, Dont filz et file ert en ruine; 2560 Et en leur lieu pour medicine Les debon_n_aires plantera: Leur terre auci subvertira Des tieles gens, q’il ne lerra A leur p_ro_ufit ne blé ne vine; Ainz jusq’au fundament le fra Trestout destruire, et puis dorra Au gent paisible la saisine. Trop est Orguil en soy maldite, Si est le lieu u q’elle habite, 2570 Si sont auci tous ses amys. L’Orguil del angre fuist despite El ciel, et puis refuist desdite As noz parens en paradis; Orguil en terre ad les paiis Ove les inhabitans malmis; Orguil en l’air est contredite, Et en enfern serront toutdis Ly deable ovesq_ue_ l’espiritz Par dame Orguil q_ue_ les endite. 2580 Serf doit honour au seigno_ur_ie, Et filz amour sanz estultie Doit a son piere par doulçour; Dont dieus demande en sa p_ar_tie Par son p_ro_phete Malachie, Et vers Orguil fait sa clamo_ur_: ‘Si je suy sire, u est l’onour, Si je suy piere, u est l’amour, Que l’en me doit et don_n_e mie?’ Responde, Orguil, di la verrour; 2590 Tu l’as tollu de ton errour, Dont reson est q’il t’en chastie. He, Orguil, fole capiteine Des vices et la primereine, De jadis te fay remembrer; Encore car sur toy l’enseigne Apiert, quant tu le sée halteine Encontre dieu vols attempter. Tu vols tous autres surmonter, Dont la justice dieu ruer 2600 Te fist en la plus basse peine. Dy lors pour quoy tu viens clamer La terre, quant tu as plener Trestout enfern a ton demeine. He, Orguil, ce n’est reso_u_n mie, Que de la terre avras partie; Car c’est a nous tout p_ro_prement, Qui naiscons de l’umaine vie, Et devons porter compaignie Chascun vers autre bon_n_ement: 2610 Mais a cela tu n’as talent, Car compaignie a toy n’apent, Ainz tu quiers avoir la maistrie: Pour ce retray toy de la gent, Et tien d’enfern le regiment, Car ce p_ar_tient a ta baillie. =Des cynk files dame Envye, dont la p_ri_m_er_e ad a no_u_n Detracc_i_o_u_n.=