De sa malice soit accru. Pour ce ly saint p_ro_phete dieu Dist qu’ils leur lange ont fait agu 2780 Com_m_e du serpent, et plus grevain Dedeinz leur liev_er_es ont reçu Venym, q_ue_ quant s’est espandu, Fait a doubter pres et longtain. A male langue est resemblant L’espeie d’ambe partz trenchant, Ce nous dist sage Salomon; Car d’ambe partz ly mesdisant Des bons et mais vait detrahant: Dont ly p_ro_phete en sa leçon 2790 Se plaignt et dist, par encheso_u_n Qu’il volt suïr bien et reso_u_n, Luy detrahiront ly alqant. He, dieus, du langue si felo_u_n Qui passera? Je certes no_u_n, Quant si p_ro_dhom_m_e n’ert passant. Mais qui du lange espeie font, Dont bon_n_e fame se confont, Dieus les maldist par Jeremie; Et dist q’au male mort morront, 2800 Siq_ue_ leur fem_m_es demourront Soleinement en triste vie Sanz nul confort du p_ro_genie; Car dieus voet bien q_ue_ l’en occie Leur jofne gent, u qu’il s’en vont, Si q’en leur maison soit oïe La vois du doel, qui brait et crie: C’est le loer qu’ils porteront. Ly saint p_ro_phete en son escript Les lievres tricherous maldit, 2810 Q’au detrahir par tout se ploiont De leur mensonge et leur mesdit; Dont il ensi dieu prie et dist: ‘O dieus, fai q_ue_ fals lievres soiont Tout mutz, et q_ue_ les oels ne voiont, Qe l’autry mal au cuer convoiont, Dont male langue s’esjoÿt; Car l’un et l’autre tant envoiont Des mals, q’ilz molt sovent desvoiont Les bon_n_es gens de leur delit.’ 2820 Malveise langue ja ne fine, Ainçois compasse et ymagine Com_m_e poet la bon_n_e gent trahir. Ja n’iert si bon_n_e la veisine Ne le voisin, q_ue_ par falsine Ne fra ses dentz au doss sentir; Car en mensonge et fals conspir C’est sa plesance et son desir, Dont met les autres a ruine: Semblable l’en la poet tenir 2830 Au deble, qui du fals mentir Est p_ro_prement piere et racine. Com_m_e la saiette du leger, Quelle ist du main au fort archer, [Sidenote: =f. 20=] Entre en la char q’est tendre et mole, Mais du grant peine et g_ra_nt danger La tret om hors au resacher, Tout ensi vait de la parole Que de malvoise langue vole: Legierement le no_u_n affole 2840 D’un hom_m_e, qui puis amender N’en poet; et ensi nous escole Alphonses, qui de bon_n_e escole Fist l’un a l’autre comparer. Solins d’un serpent fait conter, Le quel Sirene om fait nom_m_er, Corant par terre com_m_e chival, Si vole en l’air come l’esp_er_ver, Mais qanq’il touche par souffler, Ainz que l’en poet sentir le mal, 2850 Occit de son venim mortal. Ensi la bouche au desloyal Par souffle de son malparler La renomée du bon vassal