Serf a les autres en devient.[128] David auci le p_ro_phetize, 4570 Q’exterminer de sa juise Dieus doit la gent maligne au nient. Haÿne encore en son aiue Ad deux servans de retenue, Ce sont Rancour et Maltalent. Rancour sicom_m_e l’oisel en mue Gist deinz le cuer, q_ue_ ne se mue, Et contre amour l’ostel defent, Q’il n’y poet p_re_ndre herbergeme_n_t: Car il hiet son aquointement, 4580 Mais ja n’ert ire si menue Q’en remembrance ne la p_re_nt, Et la norrist estroitement, Tanq’elle au plain soit tout p_ar_crue. De Rancour tant vo_us_ porrai dire, Qe les petites causes d’ire En un papir trestout enclos Dedeinz son cuer les fait escrire, Et Maltalent y met la cire, Qua_n_t voit le title escript au dos; 4590 Et si les garde en son depos, Mais ja ly cuers n’ert a repos, Devant q’il voit ce q’il desire, C’est qua_n_t pourra son mal po_ur_pos Venger, et lors le fait desclos Si plain q_ue_ tous le porront lire. L’en porra par reso_u_n p_ro_ver Que Hange endroit de son mestier Du deable est plus malicious; Car deable unques n’avoit poer 4600 Sanz cause un hom_m_e de grever, Mais Hange du malvois irrous Sanz cause hiet et est grevous. Trop est ce pecché p_er_ilous; Car dieus s’en plaignt deinz le psalter, Come les Juÿs fals tricherous Trestout du gré malicious Par hange le firont tuer. Soy mesmes hiet qui hiet autry, Et qui soy mesmes hiet ensi 4610 Dieus le herra, j’en suy certains: Et lors quoy dirrons de celuy, Qe nulle part ad un amy, Ne dieu ne soy ne ses p_ro_chains? Me semble droit q’uns tieus vilains Soit mis du toute gent longtains, U que l’en hiet et est haÿ, C’est en enfern, u n’est compains, Ainz tout amour y est forains, Et l’un a l’autre est anemy. 4620 Haÿne en fée com_m_e son demeine Est d’Ire celle chamberleine Que nuyt et jour ove luy conv_er_se: Haÿne est celle buiste pleine Du venym, dont chascun se pleigne Par tout u l’en l’espant ou verse: Haÿne est celle horrible herce, Que deinz son cuer tue et enherce Et son p_ro_chein et sa p_ro_cheine: Si est la pestilence adverse, 4630 Que trop soudainement reverse La vie que l’en tient plus seine.[129] =La quarte file de Ire, q’est appellée Contek.=