De ceste file je ne say Com_m_ent ses mals descriveray, 4790 Ma langue a ce ne me souffist: Car soulement quant penseray Du grant hisdour, ensi m’esmay Que tout mon cuer de ce fremist. La nuyt primere quant nasquist, Ly deable y vint et la norrist Du lait mortiel, si chanta way, En berces u la fole gist, Et Homicide a no_u_n le mist, Q’est trop horrible a tout essay. 4800 Cil q’est a ceste file dru, Privé serra de Belsabu Et de l’enfern chief citezein; Car il met toute sa vertu, Que par ses mains soit espandu Sicome du porc le sanc humein. Du false guerre est capitein, Dont maint p_ro_dhom_m_e et maint vilein Par luy sont mort et confondu, Car c’est sa joye soverein: 4810 Quant poet tuer du p_ro_pre mein, Jam_m_ais ne querroit autre jeu. Fol Homicide en sa partie Ne voet ferir maisqu’il occie La povre gent no_u_n defensable; Ne pour mercy q_ue_ l’en luy crie Laisser ne voet sa felon_n_ie, Car d’autry mort n’est m_er_ciable. He, vice trop abhominable, Horrible, laide, espoentable, 4820 En qui pités est forsbanie, Dont mort eterne et p_er_durable T’aguaite ove paine lamentable Del infernale deverie! Fol Homicide en sa contrée Pour poy du riens, quant est irré, Ne chalt de son voisin tuer; Ainz dist que tout est bien alé, S’il poet fuïr en salveté Ou a chapelle ou a mouster; 4830 Mais ce n’ert pas pour confesser, Ainz est pour soy deliverer,[134] Par quoy ne soit enprison_n_é: Del alme soit com_m_e poet aler, Maisq_ue_ le corps poet eschaper, Confessio_u_n est oubliée. Avant ce q_ue_ ly fieus s’espant, Fume et vapour s’en vont issant; Et tout ensi ce dist ly sage, U q’omicide vient suiant, 4840 Manace doit venir devant Come son bedell et son message. Terrour, Freour a son menage Vienont ove luy, q_ue_ le corage Des innocens vont despuillant; Que si l’en n’eust pl_us_ de dam_m_age, As simples gens trop fait oult_ra_ge Cil q’ensi les vait manaçant. Car quant Manace y est venu, As simples cuers trop est cremu, 4850 Voir plus que fouldre ne tonaire: Du soun q’est de sa bouche issu Quant les orailles sont feru, Jusques au cuer descent l’esclaire. Q’au dieu ne poet Manace plaire Nous en trovons bon essamplaire[135] De les manaces Eseau, Qant dist qu’il voit Jacob desfaire: Dieu le haoit de tiel affaire Et a Rebecke en ad desplu.[136] 4860 Mais l’Omicide ad un servant Q’est d’autre fourme mesfaisant Mortiel, et si ad Moerdre a no_u_n: Cist tue viel, cist tue enfant, Cist tue fem_m_es enpreignant, Cist ad du rien compassio_u_n, Cist est et traitres et felo_u_n, Cist tue l’om_m_e par poiso_u_n,