Puis qu’il ad tout a sa bandon: 7050 Des toutes partz prent environ Et au garite et au dongon, Ne laist braiel ne laist chemise, Neis la value d’un tison, Dont il ne prent sa partison, Puisqu’il la main ait a ce mise. Office soutz la main du liere Sicom_m_e chandelle en la maniere Du poy en poy gaste et degoute; Car il sa main viscouse emblere 7060 Ja ne la poet tenir arere, Ainçois par tout u q’il la boute Luy fault piler ou grain ou goute Tout en celée, q_ue_ point ne doute D’acompte, si nuls le surquiere, Ne de ce qu’il sa foy ad route: Qui tieux servans tient de sa route, Poverte n’est pas loign derere. Soubtilement de son mestier Larcine se sciet excuser; 7070 Car si n’en soit atteint au fait, Ja nuls le savra tant culper, Q’ainçois se lerra p_er_jurer Que regehir ce q’ad mesfait: Et s’om l’atteint de son forsfait, Lors ses cauteles contrefait, Que merveille est de l’escoulter, Pour soy guarir, plus q_ue_ ne fait Ly goupils qui fuiant s’en vait Devant les chiens pour soy garder. 7080 Rachel se mist en jupartie De son honour et de sa vie, Quant de Laban en tiele guise Avoec Jacob s’estoit fuié, Et par Larcine avoit saisie Les dieus son piere; u la juise Ot deservy, mais p_ar_ queintise Que fem_m_es scievont de feintise Ensi covry sa felon_n_ie, Q’atteinte n’en estoit ne prise; 7090 Du quoy la culpe fuist remise, Dont elle avoit mort deservie. La statue d’Appollinis Au Rome estoit p_ar_ tieu devis Fait deinz le temple antiquement; D’un fin drap d’orr mantell du pris Avoit vestu, et en son vis Grant barbe d’orr ot ensement, Le destre bras portoit extent L’anel ou doi moult richement; 7100 Mais par Larcine un Dyonis Tout luy despuilla plainement. Mais ore oietz com_m_e faitement Il s’escusa, quant il fuist pris. Quant l’emp_er_our luy demanda Pour quoy le mantell d’or embla, ‘Seignour,’ ce dist, ‘p_ar_ v_ost_re grée J’en vous dirray com_m_ent il sta. L’orr en soy deux natures a; Il est pesant, dont en estée 7110 N’affiert que dieus l’ait affoublée, Froid est auci, du quoy ly diée El temps d’yvern refroidera: Pour ce le mantell l’ay houstée; Car s’il l’ot guaire plus portée, Il le poet faire trop de mal. Auci, seigno_ur_, vous plest entendre Ce que je fis del anel prendre: Certainement il le m’offry, Car je le vi sa main estendre, 7120 Et je n’osay le dieu offendre, Ainz en bon gré resceu de luy Le do_u_n en disant grant mercy:[177] La barbe d’orr je pris auci, No_u_npas q_ue_ je le pensay vendre, Mais pour ce q_ue_ son piere vi Sanz barbe, dont vouldray celuy Resembler a son p_ro_pre gendre.’