Est boteler especial, 8480 Qui de sa coupe sert ades: Sa quarte soer sup_er_flual De la cusine est principal: Itiel consail retient de pres. Si la com_m_une gent menour N’ait les richesces du seignour, Dont largement sa geule emploie, Nientmeinz qanq’il porra le jour Gaigner, au soir p_ar_ sa folour Du follargesce il engorgoie: 8490 Et s’il p_ar_ cas falt de monoie, Lors son coutell et sa courroie, Au fin q’il soit bon potadour, Enguage po_ur_ le ventre joye; Siq’il poverte enmy la voie Luy vient au fin de son labour. Qui follargesce meyne ensi, Trop povrement ert remeri Au fin, qant sa despense cesse: Dist l’un, ‘C’est grant pité de luy:’ 8500 ‘Bon compains fuist,’ dist l’autre auci: Ly tierce dist, ‘Je le confesse; Mais ore est sa folie expresse.’ Vei la le fin de follargesce! Primer du siecle est escharni, Ne dieus de sa part le redresce, Siq’au final en sa destresce Ascune part n’ad un amy. =Ore dirra la descripcio_u_n de Gule par especial.= Tout autrecy com_m_e la norrice Par son laiter l’enfant cherice, 8510 Si fait ma dame Gloutenie: Tous les pecchés moet et entice Et maintient du fol excercice, Q’amender ne se pourront mye: Car de l’umaine foie vie Tient Gule la con_n_establie, Com_m_e cil qui sur tout autre vice Conduit et l’avantgarde guye, Et tous suiont sa compaignie Chascun endroit de son office. 8520 Phisique conte d’un grief mal Q’est appellé le loup roial; Cil guaste toute medicine Et si n’en guarist au final. Ensi ly glous sup_er_flual Devore et gaste en sa cusine Le domest et le salvagine, Ne laist terreste ne marine, Oisel, pisco_u_n ne bestial, Ne bois ne pré ne champ ne vine, 8530 Pepin ne fruit, flour ne racine, Ainz tout deguaste en general. Mill Elephantz, sicome je truis, Tous en un bois sanz quere plus, Senec ensi le fait escrire, Porront bien estre sustenuz; Mais l’om_m_e, a ce q’il soit repuz, La mer, la terre et l’air aspire, N’est chose que luy poet suffire. [Sidenote: =f. 50=] He, queu miracle de tiel sire, Qui deinz son ventre ad tout reclus! 8541 Mais ja sa paunce tant ne tire, Que plus sa bouche ne desire, N’est riens q’estanche ce p_er_tus. Trestous les jours com_m_e chapellain Ses houres dist ly glous villain, Pour remembrer sa gloutenie: Au matin dist, ‘Je n’ay pas sain La teste, dont m’estoet p_ro_schain Manger, car juner ne puiss mie:’ 8550 Mais autrement ja dieu ne prie, Ainçois d’une houre en autre crie, ‘Ore ça du vin la coupe plain!’ Puis dist sa vespre et sa complie De gule tanq’au departie, Q’il n’ad poair du pié ne main. He fole Gule, ascoulte ça,