Une autre file ad Leccherie, Q’est plaine de delicacie; Et com_m_e l’oisel abat les flours De l’arbre qant la voit flourie, Ensi fait Stupre en sa folie, Q’est la seconde des sorours. 8670 C’est un pecché des males mours, Car ja ne quiert en ses amours D’ascune fem_m_e avoir amie Si no_u_n du vierge, u les hono_ur_s Abat, qant de ses fols ardours Son pucellage ad desflourie. Ja Tullius, qui pl_us_ habonde Du Rethorique, en sa faconde Ne parla meulx q_ue_ cil ne fait, Ainçois q’il vierge ensi confonde; 8680 Car si la vierge luy responde, Qu’elle assentir ne voet au fait Devant que l’affiance en ait[225] Du mariage, lors attrait La main et jure tout le monde Que son voloir serra p_ar_fait: Ensi du false foy desfait Et desflourist la joefne blo_u_nde. De Stupre cil qui se delite Pour decevoir la vierge eslite 8690 Sa false foy sovent engage Ove la parole bien confite; Mais si tout ce ne luy p_ro_ufite, Au fin qu’il puist son fol corage Par ce complir, lors d’autre rage, Sicom_m_e la beste q’est sauvage, Qant faim luy streigne et appetite Sa proie, ensi de son oultrage Au force tolt le pucellage, Q’a sa priere fuist desdite. 8700 Mais cil n’ad pas la teste seins Q’aval les preetz a les Tousseins Des herbes vait les flo_ur_s serchant: Mais d’autre part je sui certeins, Qe cil enquore est plus atteintz, Q’en joefne vierge vait querant Ce qu’il ne puet p_ar_faire avant, Qant la tendresce d’un enfant Ne puet souffire plus ne meinz. Q’ove tiele vait luxuriant, 8710 C’est auci come desnaturant Du corps et alme ensi vileins. Mais quoy dirrons du viele trote, Du jovencel qant elle assote, Si quiert avoir les fruitz p_r_imers: Par quoy s’atiffe et fait mynote, Et pour luy traire a sa riote L’acole et baise volentiers, Si don_n_e pigne et volupiers Et ses joials et ses deniers, 8720 Dont met le jofne cuer en flote; Si q’au darrein par tieus baisers, Par tieux blanditz, p_ar_ tieux loers, La viele peal ly jofne frote. As autres jofnes femelines De Stupre et de ses disciplines [Sidenote: =f. 51=] Sovent auci vient g_ra_nt dam_m_age: Qua_n_t de lo_ur_ corps ne sont virgines, Et que l’en sciet de leur covines, Par ce perdont leur mariage, 8730 Dont met esclandre en lo_ur_ lignage, Siq_ue_ pour honte en leur putage Tout s’enfuiont com_m_e orphelines, Dont croist sur honte pl_us_ hontage, Qant au bordell po_ur_ l’avantage De sustienance sont enclines. Sur tout pis fait en cest endroit La fole, qant enfant conçoit; Car lors luy monte le pecché Dedeinz le cuer, qant l’aparçoit: 8740 Du quoy les medicines boit