Mais quant le Siecle ad tout oïz, Lors il adresça le visage, 9790 Et dist que tout fuist son corage De faire ce qu’il ot enpris. Lors fuist g_ra_nt noise des tous lées, Chascun disoit, ‘Bien ad parlés Ly Siecle, et tous devons aider, Qui sumes de ses parentées, A faire tous ses volentés.’ Ensi com_m_ençont a traiter Com_m_ent pourroient mestreter La char del hom_m_e et losenger 9800 D’engins et des soubtilités. Si se firont entrejurer Trestous ensemble et conjurer Le mal dont serroit attrappez. Et lors ly Siecle ove sa semence A tempter l’om_m_e recom_m_ence; Dont tielement le forsvoia, Que pour consail ne pour defense Du Reso_u_n ou du Conscience La char de luy ne s’aresta, 9810 Qe trestout ne s’abandon_n_a Au foldelit, dont foloia, N’en voloit faire resistence Pour l’Alme que l’areson_n_a; Car nulle reso_u_n ascoulta, Ainz tient le Siecle en rev_er_ence. Ly deable qui fuist tout lo_ur_ piere, Auci Pecché, q’estoit la miere, Avoec le Siecle et sa mesnie Des vices, dont fuist a baniere, 9820 Ascuns devant, ascuns derere, Firont a l’om_m_e une envaïe. Chascuns le fiert de sa partie, Ly uns d’orguil, ly uns d’envie; Mais Gule y vient la tavernere, Que l’estandard du Leccherie Porte en sa main, et hault escrie, ‘Ore est a moy, que je luy fiere.’ Lors Avarice ove son fardell Vient au bataille, et un sachell 9830 Des ses florins tenoit tout plein, Dont l’om_m_e fiert com_m_e d’un flaiell: Mais cil, quant senti le catell, Ne resçut point tieux cops en vein; Ainz maintenant tendist sa mein Et se rendist au capitein, Qui l’amena droit au chastell D’Accidie, u qu’il chascun demein Au deable paia son certein, Com_m_e cil q’ert priso_u_n du novell. 9840 Et lors s’assemblont tous les vices, Chascun apportoit ses delices Pour leur priso_u_n reconforter; Mais ils ne furont pas si nices A souffrir que deinz leur offices Reso_u_n al Alme y puet entrer, Ne Conscience s’esquier, Ainz du chastell firont fermer Les entrées des portes colices, Qe tout sont fait du fol penser; 9850 Dont l’om_m_e ne puet remembrer De son dieu ne de ses justices. Ore ad le Siecle ove s’alliance De l’om_m_e tout le governance, Q’ascuns ne puet p_ar_ler a luy, Si ce ne soit par l’aqueintance Du Pecché, qui celle ordinance Sur tous les autres ad basty: Par quoy Reso_u_n s’est departy, Et Conscience s’est fuï, 9860 Q’ils ne sont plus du retenance. Si dieus n’en face sa mercy, Trop longement poet estre ensi, Ainz qu’il ait sa deliv_er_ance. [Sidenote: =f. 57=] O quelle generacio_u_n, Primerement delacio_u_n, Q’ove touz lez autrez dieus maldit: