Reso_u_n, qui bien s’estoit pourveu Au jour des noeces, ot vestu La robe yndoise ove blanche raie; Par l’un colour est entendu Constance en le service dieu, Et l’autre que du blanchour raie Signe est du netteté verraie; La coife auci dont dieus s’appaie 10100 Portoit, que tout estoit cosu De sapience: ensi s’esgaie Reso_u_n, qui son peno_u_n desplaie, Que ja des vices n’ert vencu. Les dames vienont de la tour, Chascune estoit du noble atour, En blanche robe bien vestue. Mais Conscience fait maint tour Pour adrescer la gent entour, Q’a celle feste estoit venue; 10110 Com_m_e Mareschals les uns salue, Les uns cherist, les uns argue, P_ar_ tout se peine a faire honour: Sa robe estoit com_m_e d’une nue, La quelle au plus sovent se mue[262] Diverse, et change sa colour. Les dames ensi bien pareies Se mistront hors de les pareies Vers le moustier de saint delit, U que leur mary toutes veies 10120 Com_m_e ses amies et ses preies Leur attendoit; si ot eslit Trois menestrals, ly quel sont dit Bon pensement, Bon fait, Bon dit, Qui les cornont p_ar_ leur journeies, Dont s’esjoyont grant et petit Des joyes qui sont infinit, Qui valont oultre tous moneies. Chascune dame en son degré Portoit son no_u_n ap_ro_prié 10130 Escript, dont fuist la meulx vailante; Encontre Orguil Humilité, Encontre Envie est Charité, Et encontre Ire la tençante Est Pacience la taiçante; Encontre Accidie la dormante Prouesce y vient apparaillée; Contre Avarice la tenante Franchise y vient la despendante, N’ert pas ovele l’assemblé: 10140 Et puis encontre Gloutenie, Q’est de nature l’anemie, La dame y vient q’ad no_u_n Mesure; Et lors encontre Leccherie Vient Chasteté la dieu amye Tout coiement sanz demesure: Et meintenant vient p_ar_dessure Ly prestres qui tous les assure, Qui Gracedieu, si je bien die, Avoit a no_u_n, mais p_ar_ droiture, 10150 Pour ce qu’il savoit de lettrure, Ad l’espousaille au fin complie. En la presence au soverein Vient Conscience primerein, Q’au moustier les dames mena, U Gracedieu leur chapellein Les faisoit prendre mein au mein, Et depar dieu les affia; Et puis leur messe ensi chanta Qe dieus en bon gré l’accepta, 10160 Car l’Alme y offrist son certein, Itiel com_m_e dieus le com_m_anda: Reso_u_n ses fem_m_es moult ama, Car moult furont du noble grein. Ensi dieus de sa courtoisie Encontre l’orde progenie Des vices, qui tant sont maldit, Au fin q_ue_ l’alme en soit guarie,[263] Par mariage il associe Les sept vertus, com_m_e vous ai dit, 10170 Qui sont verrai, bon et parfit Par grace du seint espirit,