Que Daniel jadys le fist; Trois fois le jour au terre il gist En sa genuflectacio_u_n, Priant au dieu q’il le guarist, Q’en Babyloigne ne perist D’estrange fornicacio_u_n. De Machabeu auci lisant Je truis q’au terre engenulant, 10250 Et tout le poeple ovesq_ue_ luy, S’estoiont mis en dieu priant Qu’il leur aidast du fel tirant, Antiochus leur anemy, Le poeple dieu q’ot poursuÿ; Dont leur priere dieus oÿ, Si fist de sa vengance tant Qe tout vivant son corps purry: Jerusalem s’estoit guari Par ce que vous ai dit devant. 10260 Q’om doit orer en lermoiant, De ce nous ert Sarre essamplant, Q’en plo_ur_s prioit trois jo_ur_s et nuytz, Au fin que dieus luy fuist aidant De honte q’om luy vait disant Pour sept barons q’elle ot p_er_duz: Des plo_ur_s Thobie auci je truis, Qant voegle estoit et fuist confus Du fem_m_e qui luy vait tençant: Molt fuist leur plo_ur_s de g_ra_ns vertus, Car l’un et l’autre est socourrus, 10271 Sicom_m_e l’istoire est devisant. Dans Helchana cil espousoit Anne et Phenenne, et avenoit Siq_ue_ dame Anne estoit bareine; Mais de ses lermes dieu prioit, Dont Samuel deinz brief conçoit; C’estoit priere bon_n_e et seine. Et qui dist que la Magdaleine Lors ne plouroit au bone estreine, Qant au manger u dieus seoit 10281 Pour un poy d’eaue chalde et veine Du vie gaigna la fonteine, Qe des tous mals la garisoit? Q’om doit auci toutdis orer Saint Luc le fait bien tesmoigner: Quant n_ost_re sire ot en sa guise Conté com_m_ent se doit troubler Ly mals du siecle et adverser Contre le jour du grant Juise, 10290 As ses disciples lors devise, Que s’ils en vuillont la reprise[265] Et les to_ur_mens sauf eschaper, Par grant devocio_u_n enprise Priere sanz recreandise Leur falt toutdis continuer. L’apostre dist q’au dieu plesance Molt valdra la continuance Del hom_m_e just en dieu priant: La bible en porte tesmoignance,[266] 10300 Qant Amalech p_ar_ mescreance Ove Josué s’est combatant; Tant com_m_e ses mains estoit leva_n_t Dans Moïses en dieu priant, Ot Josué la meillour lance; Mais qant des mains fuist avala_n_t, Ert Amalech a son devant Et Josué fuist en balance. Q’om doit com_m_unement prier L’en poet avoir bon essampler 10310 De Josaphat Roy de Juda, Qant le grant host vist assembler, Qe trop faisoit a redoubter, Des Ciriens qu’il redoubta: Le poeple en com_m_un s’assembla, Chascuns devoutement pria Qe dieus les volsist socourer: La vois com_m_une dieus oya, Dont chascun autre entretua Des anemys a l’encontrer. 10320 Q’om doit auci prier la pes Essample no_us_ avons du pres Par le prophete Jeremie,