Q’a toy porroie resister: Et c’est que tu tout au primer D’umilité te fais guarder, Dont dieus p_ar_ tout te vait gardant.’ Par cest essample om puet noter, Que qui se voet humilier Il ad vertu de beau guarant. Auci l’en puet estre essamplé Du viele loy, q’umilité 12590 Dieus ayme; et ce p_ar_ust toutdroit, Qant Rois Achab, q’avoit pecché Vers dieu, s’estoit humilié; Car tantost qu’il s’umilioit, Dieus son pecché luy p_ar_don_n_oit, Et en ses fils le transportoit; Helye ensi luy ot contée. Asses des autres l’en porroit Trover d’essamples, qui voldroit Sercher l’escriptz d’antiquité. 12600 Quoy plus coustoit et meinz valoit, Et plus valoit et meinz coustoit, Jadis uns sages demanda: Et uns autres luy respondoit, Q’orguil plus couste en son endroit, Et sur tout autre meinz valdra; Mais cil q’umblesce gardera Meinz couste et plus p_ro_ufitera Au corps et alme, quelq_ue_ soit. Dont m’est avis q_ue_ cil serra 12610 Malvois marchant q’achatera Le peiour, qant eslire doit. =Ore dirra de les cink files du Charité, des queles la p_ri_m_er_e ad no_u_n Loenge, contre le vice de Detracc_i_o_u_n.= Encontre Envie est Charité, Quelle est au reso_u_n mariée; Si ad cink files voireme_n_t, Dont la primere est appellée Loenge, q’est des tous amée; Car celle loue bon_n_ement Et ayme toute bon_n_e gent: N’est qui plus charitousement 12620 Se contient en bon_n_e ameisté; Detraccio_u_n hiet nequedent, Car male bouche aucunement Jam_m_ais serra de luy privé. Loenge au dieu primer s’extent, En ciel, en terre, en firmament, Et en toute autre creature: Car le p_ro_phete tielement As angres dist prim_er_ement Et as les corps qui sont dessure, 12630 Solaill et lune, estoille pure, Q’ils dieu loer devont toute hure: La mer de sa part ensement, Feu, neif, gresil, glace et freidure, Ly jours, la nuyt en lo_ur_ nature, Chascuns loenge a dieu purtent. Sicom_m_e les choses p_ar_amont Loenge au dieu reporteront, Ly saint p_ro_phete dist q’ensi Les choses que sur terre sont 12640 Loenge au creatour ferront: Riens est vivant en terre, qui Ne doit loenge faire a luy, Oisel, piscon et beste auci, Ove les reptils, dieu loeront, Et l’arbre qui sont beau floury; La terre en soy n’en est failly, Qe tous loenge au dieu ne font. Mais au final, je truis escrit, Loenge fait tout espirit 12650 Au dieu q’est seigneur sov_er_ein; Mais sur trestout g_ra_nt et petit Pour dieu loer en chascun plit Plus est tenu l’estat humein: Car il nous forma de sa mein, Et puis rechata du vilein Qui no_us_ avoit au mort soubgit. Pour ce loons dieu prim_er_ein,