Pour tout le monde ne querroit. =Ore dirra la descripcio_u_n de la vertu de Pacience p_ar_ especial.= He, debon_n_aire Pacience, Com_m_e est gentile ta semence 13970 Des files, q’ay dessus nom_m_é! Pour faire a toy la rev_er_ence Du naturele experience Ly philosophre t’ad loé, Disant que tu du p_ro_preté As la vengance ap_ro_prié Deinz ta paisible conscience, Par soule debon_n_aireté A veintre toute adv_er_seté Sanz faire tort ou violence. 13980 Ly martir, qui p_ar_ grief destour Du paine avoient maint estour, N’en furont venqu nequedent; Ainz toute peine exteriour Par Pacience interiour Venquiront bien et noblement. Du Job avons l’essamplement, Qant il ot p_er_du plainement Saunté du corps et tout honour Du siecle, encore pacient 13990 Estoit, dont venquist le to_ur_ment Ensemble avoec le to_ur_mentour. Du Pacience en faitz et ditz Molt furont ly martir jadis Expert, car le cruel martire De leur bon gré no_u_npas envis Souffriront, si q’a leur avis Rendiront grace a n_ost_re sire, Qu’il a tieu fait les volt eslire. Des confessours l’en porra lire 14000 Auci, qui pour leur espiritz Garder firont lour corps despire, Dont puis gaigneront cel empire Q’est plain des joyes infinitz. Gregoire dist que p_ar_ souffrir Les mals qui pourront avenir Du siecle, qui tous mals envoie, Hom se puet faire droit martir Sanz le martire de morir: Car combien q_ue_ tuez ne soie, 14010 Je me martire d’autre voie Du Pacience simple et coie, Du quelle ades me fais garnir, Issint q_ue_ nullement me ploie D’adv_er_sité, qant se desploie, Et les meschiefs me fait sentir. Ce dist David, q_ue_ dieus est pres As tous ceaux q’ont le cuer oppres Du tribulacio_u_n mondeine: Sur quoy Bernars souhaide ades, 14020 Q’il puist toutdiz sanz nul reles De tribulacio_u_n la peine Avoir yci par tiel enseigne, Qe l’ameisté luy soit p_ro_cheine De dieu et sa divine pes: Car qant dieus est en la deinzeine, Du toute anguisse q’est foreine Ne puet chaloir n’avant n’apres. Si nous faisons la dieu aprise, [Sidenote: =f. 79=] Par nous n’ert la vengance prise; Car dieus ce dist, com_m_e vo_us_ dirray, Q’il volt q_ue_ toute la mesprise 14032 Et la vengance soient mise En son agard, et il du vray Le vengera; dont bien le say Fols est qui se met a l’essay De soy venger p_ar_ autre guise: Qant dieu mon champion aray, Ne falt q_ue_ je m’en melleray, Puisq’il voet faire tiele enprise. 14040 L’apostre en son escript diffine Et dist, com_m_e feu q’attempre et fine Metall, si q’om le puet forger, Ensi l’adversité terrine Attempre et forge la covine