Com_m_ence, et si continuer Sufflant voldra, lors a plus fort[448] La flam_m_e esp_re_nt; ensi parler Du mal les mals fait enticer, Et don_n_e as vices le support. [Sidenote: =f. 93=] Senec te dist que ta parole Du vanité ne du frivole Ne soit. Enten, tu foldisour: Dieus dist, du quanq_ue_ l’en parole 16660 Om doit compter a celle escole, U q’il ert mesmes auditour: Lors croy je bien q_ue_ cil lechour, Qui meulx quide ore en fol amo_ur_ Queinter ses ditz, dont se rigole, P_er_dra l’esploit de son labour, Qant ly chançons se to_ur_ne en plo_ur_ Et toute ardante ert la carole. De folp_ar_ler te dois retraire; ‘Mieulx valt,’ ce dist ly sage, ‘a taire De folparler, car par cela 16671 Sovent avient folie maire.’ De ce no_us_ fist bon essamplaire Uluxes, qant il folparla A Circes et a Calipsa; Du folp_ar_ler les enchanta, Dont leur fesoit folie faire; Auci, qant il les rescoulta, Des lo_ur_ fols ditz tant assota Q’il du reso_u_n ne savoit gaire. 16680 Pour ce luy covient abstenir Du folp_ar_ler et foloïr, Qui selonc Bon_n_egarde vit;[449] Car s’il l’oraille voet ov_er_ir, Au paine se porra cov_er_ir, Qu’il chasteté sovent n’oblit. Qui les chançons en mer oït De les Sereines, s’esjoÿt, Qe tout le cuer le font ravir; Mais soubz cela du mort soubit, 16690 Qant il meulx quide estre a bon plit, En halte mer luy font perir. Auci covient guarder la veue, Car l’oill q’au folregard se mue Sovent reporte au cuer dam_m_age: David, qant passa p_ar_ la rue, Des fols regartz son cuer englue Voiant la beauté du visage Du Bersabé, dont fist folage: Auci Paris ne fist q_ue_ sage, 16700 Qant vist Heleine, q’ert venue En l’isle presde son rivage; Pour l’oill lessa le cuer en gage, Trop fuist l’eschange chier vendue. Pour ce bon est q’om s’ap_ar_aille De bien garder l’oill et l’oraille; Car si le deable overt les voit, Un dart y tret en repostaille, Dont fiert le cuer p_ar_ tiele entaille, Tanq_ue_ Reso_u_n tout morte y soit: 16710 Et lors l’attorne a son endroit, Et dist au main, ‘Tastetz tout droit, C’est suef et moll q_ue_ je te baille, Fai ce que l’om_m_e faire doit’: Ensi la sote gent deçoit, Qant Bon_n_egarde lo_ur_ defaille. Quintiliens uns sages clercs Dist q_ue_ les oils, qant sont ov_er_tz, As vices sont la halte voie, Dont vont au cuer tout au t_ra_vers, 16720 Et tost ruer luy font env_er_s, Et les vertus tollont envoie. He, quel meschief cel oil emploie, P_ar_ folregard qant se desploie Et du p_ro_dhom_m_e fait p_er_vers! Pour ce, siq_ue_ ton oil bien voie, Du Bon_n_egarde le convoie, Car l’oil de l’om_m_e est molt divers. Ce dist le p_ro_phete Ysaïe,